नागपूरमधील ईतवारी ते उमरेड ब्राॅड गेज रेल्वे मार्गाचा दिवाळीपूर्वी लोकार्पण – परिवहन मंत्री प्रताप सरनाईक यांची माहिती

महारेलच्या राज्यातील रेल्वे मार्ग रुंदीकरण तसेच फाटक मुक्त महाराष्ट्र या अभियाना अंर्तगत चाललेल्या प्रकल्पाचा आढावा सरनाईक यांनी मंत्रालयात घेतलेल्या बैठकीत घेतला. बैठकीला महारेल कार्पोरेशनचे उपाध्यक्ष राजेश कुमार जैस्वाल, परिवहन विभागाचे उपसचिव किरण होळकर उपस्थित होते.

नागपूर जवळील ईतवारी स्थानकापासून नागभीड पर्यंत सुमारे १०६ किलोमीटरचा नॅरो गेज लोहमार्ग ब्रॉड गेज मध्ये बांधण्याचे काम लवकरच पूर्ण करण्याचे निर्देश महारेल कार्पोरेशनला सरनाईक यांनी दिले आहेत. ईतावरी ते उमरेड या ५१ किलोमीटरच्या लोहमार्गाचे लोकार्पण दिवाळीपूर्वी करण्याच्या सूचना देण्यात आलेल्या आहेत. या लोहमार्गाच्या नुतनीकरणामुळे १४ छोट्या मोठ्या गावांना लोहमार्गाने नागपूर सारख्या महानगराशी जोडता येईल, असे सरनाईक यांनी सांगितले.