नागपूर : लोकसभा आणि विधानसभा निवडणुकीपूर्वी पक्ष संघटन बांधणीसाठी काँग्रेसने आयोजित केलेल्या आढावा बैठकीत गोंधळ बघावयास मिळाला. शहर अध्यक्ष विकास ठाकरे आणि नरेंद्र जिचकार यांची बाचाबाची झाली. ठाकरे यांच्या हातून जिचकार यांनी माईक हिसकला होता. पक्ष संघटनेची स्थिती जाणून घेऊन ती मजबूत करण्यासाठी विभागीय बैठक महाकाळकार सभागृहात सुरू आहे.
अखिल भारतीय काँग्रेस पक्षाच्या हैदराबाद येथे झालेल्या कार्यकारिणीच्या बैठकीतील निर्देशानुसार नागपूर विभागीय जिल्हानिहाय आढावा बैठक होत आहे. नागपूर शहर, नागपूर ग्रामीण, वर्धा, गोंदिया, गडचिरोली, भंडारा, चंद्रपूर शहर व चंद्रपूर ग्रामीण काॅग्रेस, विभागीय जिल्हानिहाय आढावा बैठक प्रदेशाध्यक्ष नाना पटोले यांच्या अध्यक्षतेखाली, विरोधी पक्षनेता विजय वडेट्टीवार, माजी केंद्रीय मंत्री विलास मुत्तेमवार, प्रदेश कार्याध्यक्ष आमदार कुणाल पाटील, शहर अध्यक्ष आमदार विकास ठाकरे, माजी मंत्री डाॅ. नितीन राऊत, आमदार सुनील केदार, डाॅ. सतीश चतुर्वेदी, डाॅ. अनीस अहमद, आमदार ॲड. अभिजीत वंजारी, प्रदेश महिला अध्यक्षा संध्या सव्वालाखे व बैठकीचे समन्वयक प्रदेश सरचिटणीस नाना गावंडे यांच्या प्रमुख उपस्थितीत होत आहे.
हेही वाचा… सावधान ! इंडियन कोस्ट गार्डचा अधिकारी सायबर गुन्हेगारांच्या जाळ्यात अडकला अन्…
हेही वाचा… सावनेरातील रॉयल लॉजवर देहव्यापार, पोलिसांनी छापा टाकताच…
या बैठकीमध्ये उदयपूर राजस्थान शिबिरातील निर्णयाच्या अंमलबजावणीबाबत चर्चा, वार्ड, मंडळ कमिटी, बुथ प्रमुख बीएलए, ब्लाॅक कार्यकारिणी, जिल्ह्यातील संघटनात्मक रिक्त पदांची माहिती घेण्यात येणार आहे. तसेच आगामी लोकसभा व विधानसभेच्या सार्वत्रिक निवडणूक २०२४ च्या दृष्टीने मतदार यादी पुनरिक्षण चर्चा, जिल्हा व ब्लाॅक काँग्रेस कमिटीच्या ठराव पुस्तकांची तपासणी केली जात आहे.
