जळगाव : उन्मेष पाटील यांच्या फलकातून कमळ गायब

हेही वाचा : नाशिकमध्ये कर्जदारांची मालमत्ता ताब्यात घेत फसवणूक, दोन सावकारांविरोधात गुन्हा; छाप्यात करारनामे, कोरे मुद्रांक, धनादेश जप्त

बुधवारी ठाकरे गटात प्रवेश करण्यापूर्वीच पाटील यांच्या छत्रपती शिवाजी महाराज क्रीडा संकुलातील जनसंपर्क कार्यालयात असलेले पंतप्रधान नरेंद्र मोदी यांचे छायाचित्र हटवण्यात आले होते. कार्यालयाबाहेरील त्यांच्या नावाच्या फलकावरील दोन्ही बाजूंनी असलेले कमळ चिन्हही दूर करण्यात आले. उन्मेष पाटील यांनी ठाकरे गटात प्रवेश केला असला तरी करण पवार यांना उमेदवारी मिळणार असल्याचे सांगितले जात असल्याने पवार यांचा लोकसभा निवडणुकीच्या प्रचाराचा फलक समाजमाध्यमांतून प्रसारित झाला आहे. त्यातून पवार हेच जळगाव लोकसभा जिंकतील, असा उल्लेख करण्यात आला आहे. फलकावर शिवसेनाप्रमुख बाळासाहेब ठाकरे, पक्षप्रमुख उद्धव ठाकरे, युवानेते आदित्य ठाकरे व पक्षाचे नेते खासदार संजय राऊत यांच्यासह उन्मेष पाटील यांची छायाचित्रे झळकली आहेत. वेगवेगळ्या व्हॉटसअॅप ग्रुपवर करण पवारांसह उन्मेष पाटील यांचे ठाकरे गटाच्या वतीने स्वागत केले जात आहे.