World Obesity Day 2023: वजन घटवण्यासाठी 'या' पदार्थांचा आहारात नक्की समावेश करा | World Obesity Day 2023: Include 'these' food in your diet to reduce the weight

लठ्ठपणाची समस्या हल्ली वाढली असून अनेकजण त्याने ग्रासलेले आढळतात. म्हणूनच त्याबद्दल जनजागृतीसाठी ४ मार्च हा दिवस जागतिक लठ्ठपणा दिन म्हणून पाळला जातो. १९७५ पासून लठ्ठपणाचे प्रमाण तिपटीने वाढल्याचे निदर्शनास आले असल्याचे जागतिक आरोग्य संघटनेने म्हटले आहे. लठ्ठपणामुळे भविष्यात अनेक व्याधी उद्भवण्याची शक्यता असते. लठ्ठपणा कमी करण्यासाठी काही सोप्या गोष्टींचा अवलंब केल्यास त्याचा फायदा होऊ शकतो. सकाळी नाश्त्यात अंड्याचा समावेश करावा. अंड्यात असणाऱ्या प्रथिनांमुळे वजन कमी होण्यास मदत होते. ओट्स, ब्राऊन राईस अशा फायबरयुक्त धान्यांचा आहारात समावेश करावा. हे धान्य शरीरातील मेटाबॉलिक हेल्थ संतुलित ठेवते. कडधान्यांचा आहारात समावेश करावा. त्यात प्रथिनांचे प्रमाण अधिक असते. आहारात शेंगदाणे, आक्रोड, आणि बदाम यांचा समावेश करावा. त्याने वजन घटवण्यास मदत होऊ शकते. पालेभाज्यांत फायबरचे प्रमाण अधिक असल्याने त्याचा उपयोग वजन कमी करण्यासाठी होतो. म्हणून आहारात पालेभाज्यांचा समावेश करावा. दुग्धजन्य पदार्थांचा वापर वाण सर्रास केला जातो करत त्यात भरपूर प्रमाणात प्रथिने असतात. वजन घटवण्यासाठी ग्रीन टी ही अत्यंत उपयुक्त असून रोजच्या सेवनाने शरीरातील मेटॅबॉलिसम वाढते आणि अधिकचा मेद कमी करण्यास मदत होते. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Freepik)