पुणे शहरात आज दिवसभरात नव्याने १३६४ नवे रुग्ण आढळल्याने, १ लाख ३४ हजार २९ एवढी रुग्ण संख्या झाली आहे. तर आजदिवसभरात ४६ रुग्णांचा मृत्यू झाला आहे. त्यामुळे आज अखेर ३ हजार १६७ रुग्णांचा मृत्यू झाला आहे. करोनावर उपचार घेणार्‍या १६४ रुग्णांची तब्येत ठणठणीत असल्याने, त्या सर्वांना घरी सोडण्यात आले आहे. त्यामुळे आज अखेर १ लाख १३ हजार ७८६ रुग्ण करोना मुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे.

पिंपरी-चिंचवडमध्ये ८३२ करोना बाधित रुग्णांची नोंद

पिंपरी-चिंचवड शहरात आज नव्याने ८३२ करोना बाधित रुग्णांची नोंद झाली असून ३४ जणांचा उपचारादरम्यान मृत्यू झाला आहे. तर ९०५ जण आज करोनामुक्त झाले असून त्यांना घरी सोडण्यात आले आहे. पिंपरी-चिंचवड शहरातील एकूण बाधित रुग्णांची संख्या ७१ हजार ६४१ वर पोहचली असून पैकी ५७ हजार ९१४ जण करोनामुक्त झाले आहेत. महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ५ हजार १८८ येवढी आहे अशी माहिती महानगर पालिकेच्या आरोग्य विभागाने दिली आहे.