24 October 2020

News Flash

चिंताजनक! पुण्यात एकाच दिवसात सर्वाधिक २९१ रुग्ण आढळले; १४ जणांचा मृत्यू

पुणे शहरात आज अखेरपर्यंत २ हजार ३७१ रुग्ण करोनामुक्त झाले आहेत.

प्रतिकात्मक छायाचित्र

देशभरात करोना विषाणूंचे रुग्ण मोठ्या प्रमाणावर वाढत आहे. अशीच परिसरात पुणे शहरात देखील असून आज दिवसभरात सर्वाधिक २९१ रुग्ण आढळून आले आहेत. तर आजच १४ जणांचे प्राणही या करोना विषाणूने घेतले आहेत, अशी माहिती पालिकेच्या आरोग्य विभागामार्फत देण्यात आली.

देशभरात करोना विषाणूचे आजपर्यंत एक लाख १८ हजाराच्या पुढे रुग्ण संख्या गेली आहे. तर तीन हजार ८५३ रुग्णांचा मृत्यू झाला आहे. अशीच परिस्थिती पुणे शहरात देखील असून आज दिवसभरात २९१ रुग्ण आढळले आहे. आजपर्यंतची एकाच दिवसात आढळलेली ही सर्वाधिक रुग्णसंख्या आहे. यामुळे पुणे शहरातील एकूण रुग्णसंख्या ४ हजार ३९८ इतकी झाली आहे. तर आज दिवसभरात १४ रुग्णांचा मृत्यू झाला आहे. यामुळे आज अखेर शहरातील करोनाबाधितांच्या मृतांचा आकडा २४१वर पोहोचला आहे.

तसेच उपचार घेत असलेल्या १८९ रुग्णांची पुन्हा करोनाची चाचणी घेण्यात आली. यामध्ये त्यांचा रिपोर्ट निगेटिव्ह आल्याने, त्या सर्वांना घरी सोडण्यात आलं आहे. त्यामुळे आज अखेरपर्यंत २ हजार ३७१ रुग्ण करोनामुक्त झाल्याचे आरोग्य मार्फत सांगण्यात आले आहे.

पिंपरी-चिंचवड शहरात दिवसभरात २१ करोनाबाधित आढळले

पिंपरी-चिंचवड शहरात दिवसभरात एकूण २१ जण करोना पॉझिटिव्ह आढळले. तर २० जणांना आज डिस्चार्ज देण्यात आला. त्यामुळे शहरातील करोनामुक्त व्यक्तींची संख्या १६१ वर गेली आहे. तर शहरातील करोनाबाधितांची संख्या २७४ वर पोहचली आहे. आज आढळलेले करोनाबाधित हे चिखली, भोसरी, आनंद नगर (चिंचवड), राहाटणी, काळेवाडी, दापोडी, येरवडा, कुदळवाडी (चिखली), बिजलीनगर या परिसरातील आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 22, 2020 8:41 pm

Web Title: worrying pune had the highest number of 291 patients in a single day 14 killed aau 85
टॅग Coronavirus
Next Stories
1 पिंपरी-चिंचवड शहर रेडझोनमधून बाहेर; दुकानं खुली झाल्याने मार्केटमध्ये मोठी गर्दी
2 GoodNews : पुण्यातील ससून रुग्णालयात पहिली प्लाझ्मा थेरेपी यशस्वी
3 ‘सहज बोलता बोलता’मध्ये दिलीप प्रभावळकर
Just Now!
X