रेल्वेला फुकट्या प्रवाशांचा ताप…दिवाळीमुळे रेल्वेने घेतला हा निर्णय

दिवाळीनिमित्त अतिरिक्त गाड्या सोडण्यात आल्याने प्रवाशांची गर्दी वाढणार आहे. या काळात फुकट्या प्रवाशांवर कारवाई करण्यात येणार आहे. पुणे विभागाने पुणे विभागीय रेल्वे व्यवस्थापक राजेशकुमार वर्मा आणि अतिरिक्त विभागीय व्यवस्थापक पद्मसिंह जाधव यांच्या मार्गदर्शनाखाली तपासणी मोहीम राबविण्यात येणार आहे. कारवाईसाठी भरारी पथके स्थापन करण्यात आल्याचे रेल्वे प्रशासनाकडून सांगण्यात आले.

सप्टेंबर महिन्यातील कारवाई

प्रकार – प्रवासी – दंड

– तिकीट नसलेले प्रवासी – २९ हजार ७३९ – १ कोटी ८६ लाख ७९ हजार ७२५

– आरक्षित डब्यातून प्रवास – ८ हजार ४२५ – ४८ लाख ८ हजार ८०५

– अनधिकृत सामानासह प्रवास – ४७२ – ७४ हजार ७८५

एकूण कारवाई – ३८ हजार ६३६ – २ कोटी ३५ लाख ६३ हजार ३१५

दिवाळीमुळे जादा गाड्या सोडण्यात आल्या आहेत. प्रवाशांच्या सेवेसाठी फलाट तिकीट ही सेवा बंद करण्यात आली आहे. विनातिकीट प्रवास करणाऱ्यांवर लक्ष ठेवण्यासाठी भरारी पथके स्थापन करण्यात आली आहेत. त्यांच्याकडून कारवाई केली जाणार आहे.- हेमंतकुमार बेहरा,जनसंपर्क अधिकारी, मध्य रेल्वे, पुणे विभाग