दुसरे विश्व मराठी संमेलन फेब्रुवारीच्या अखेरीस पुण्यात; ‘कवितांचे गाव’ साकारण्याची शक्यता

हेही वाचा : पुणे : वाघोली अपघात प्रकरणात डंपर मालक अटकेत

राज्यभाषेला अभिजात भाषेचा दर्जा असलेल्या राज्यांप्रमाणे मराठी भाषेसाठी केंद्र सरकारकडून अधिकाधिक निधी मिळण्यासाठी प्रस्ताव पाठवून पाठपुरावा करावा. देशातील सर्व बृहन्महाराष्ट्र मराठी मंडळांना आमंत्रित करून मराठी भाषेसाठी काय योगदान देता येईल, यासाठी त्यांच्या सूचना जाणून घ्याव्यात. सर्व महाविद्यालयात मराठी भाषा विभागाची प्रकाशने ठेवण्यासाठी, सर्व विद्यापीठातील मराठी भाषा विभागात मराठी भाषा संशोधन केंद्र स्थापनेसाठी प्रस्ताव करावेत, असे सामंत यांनी सांगितले. तसेच राज्यस्तरावर महिला साहित्य संमेलन, तसेच विभागनिहाय युवा साहित्य संमेलन आयोजनाची सूचनाही सामंत यांनी केली. पुस्तकांचे गाव या संकल्पनेच्या अनुषंगाने कवितांचे गाव या संकल्पनेवरही काम करण्याचे निर्देश सामंत यांनी दिले. त्यामुळे आता कवितांचे गाव साकारण्याची शक्यता निर्माण झाली आहे.