scorecardresearch

Premium

जगात भारी! जागतिक पातळीवर कयानी बेकरी, चितळे बंधूंचा झेंडा

कॅम्पमधील कयानी बेकरी आणि चितळे बंधू मिठाईवाले यांचा जगामधील आघाडीच्या १५० मिठाई केंद्रांमध्ये समावेश करण्यात आला आहे.

kayani Bakery Chitale Bandhu Mithaiwale camp Taste Atlas list top 150 Mithai Centers world pune
जगात भारी! जागतिक पातळीवर कयानी बेकरी, चितळे बंधूंचा झेंडा (छायाचित्र- लोकसत्ता ग्राफिक्स टीम, tasteatlas website)

पुणे: पुणेकर खवय्यांना शहरातील खाद्यसंस्कृतीबद्दल नेहमीच अभिमान वाटतो. त्यांच्या या अभिमानावर आता जागतिक पातळीवर शिक्कामोर्तब झाले आहे. कॅम्पमधील कयानी बेकरी आणि चितळे बंधू मिठाईवाले यांचा जगामधील आघाडीच्या १५० मिठाई केंद्रांमध्ये समावेश करण्यात आला आहे. टेस्ट ॲटलास या जागतिक खाद्य मार्गदर्शकाने ही क्रमवारी जाहीर केली आहे.

टेस्ट ॲटलासने जगातील आघाडीच्या १५० मिठाई केंद्रांची यादी जाहीर केली आहे. या यादीत पहिल्या स्थानी लिस्बनमधील रूआ डी बेलेम असून तेथील प्रसिद्ध मिठाई पेस्टल डी बेलेम आहे. यादीत भारतातील दहा ठिकाणे असून, त्यात पुण्यातील कयानी बेकरी आणि चितळे बंधू मिठाईवाले यांचा समावेश आहे. कयानी बेकरी ही कॅम्पमध्ये ईस्ट स्ट्रीटवर असून, त्यांचा मावा केक प्रसिद्ध आहे. इराणमधून आधी मुंबईत आणि तिथून नंतर पुण्यात आलेल्या खोडायार, होरमाजदियार आणि रूस्तम या कयानी बंधूनी १९५५ मध्ये ही बेकरी सुरू केली. कयानी बंधूंच्या पुढील पिढ्या आता हा व्यवसाय सांभाळत आहेत.

traffic congestion
भिवंडी सर्वाधिक कोंडीचे शहर; जगातील संथगती शहरांच्या यादीत भिवंडी पाचव्या क्रमांकावर
sale of houses mumbai
मुंबई-पुण्याची आघाडी! देशातील घरांच्या विक्रीत निम्म्याहून अधिक वाटा
Hardeep Singh Nijjar
भारत-कॅनडा संबंधांत तणाव, खलिस्तानवादी नेत्याची हत्या : परस्परांच्या राजनैतिक अधिकाऱ्यांची हकालपट्टी
shantiniketan unesco list
शांतिनिकेतन आता जागतिक वारसा, युनेस्कोची घोषणा 

हेही वाचा… पुण्यात मेट्रो मार्गांचा तिढा! पीएमआरडीए, महामेट्रोची समान मार्गांकडे धाव

चितळे बंधू मिठाईवाले यांची सुरुवात १९५० मध्ये झाली. रघुनाथ चितळे आणि नरसिंह चितळे या बंधूंनी या व्यवसायाची मुहूर्तमेढ रोवली. त्यांचे पहिले दुकान बाजीराव रस्त्यावर सुरू झाले. आता तिसरी पिढी हा व्यवसाय सांभाळत आहे. केवळ देशातच नव्हे तर परदेशातही चितळेंची उत्पादने पोहोचली आहेत. बाकरवडी आणि विविध प्रकारच्या मिठाईसाठी चितळे बंधू ओळखले जातात.

देशातील आघाडीची मिठाई केंद्रे

  • मावा केक: कयानी बेकरी (पुणे)
  • रसगुल्ला: के.सी.दास (कोलकता)
  • रम बॉल्स: फ्लरीज (कोलकता)
  • फ्रूट बिस्कीट : कराची बेकरी (हैदराबाद)
  • संदेश: बलराम मलिक अँड राधारमण मलिक (कोलकता)
  • आईसक्रीम सँडविच: के. रुस्तम अँड कंपनी (मुंबई)
  • कुल्फी: कुरेमल्स कुल्फी (दिल्ली)
  • कुल्फी फालुदा: प्रकाश कुल्फी (लखनौ)
  • बाकरवडी: चितळे बंधू (पुणे)
  • जिलेबी: जलेबीवाला (दिल्ली)

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Kayani bakery and chitale bandhu mithaiwale in the camp have been included among the taste atlas list of top 150 mithai centers in the world pune print news stj 05 dvr

First published on: 20-09-2023 at 13:56 IST

संबंधित बातम्या

मराठी कथा ×