ज्योती चौधरी-मलिक साहित्य * १०-१२ बोंबील * १ वाटीभर आलं- लसूण- कोथिंबिरीची पेस्ट * चमचाभर हळद * २ चमचे तिखट * तांदळाचा बारीक रवा २ वाटी * तळण्यासाठी तेल, मीठ. कृती सर्वप्रथम बोंबील डोक्याकडून कापून घेऊन उभा चिरून काटय़ाकडून फ्लॅट करून घ्यावा. धुऊन मीठ लावून ठेवावा. नंतर दाबून सर्व पाणी काढून टाकावं. त्याला हळद, तिखट, आलं- लसूण- कोथिंबीर पेस्ट थोडं तेल घालून लावावं. तेल लावल्याने मसाला बोंबिलाला व्यवस्थित लागतो. गॅसवर तवा ठेवून गरम झाल्यावर तेल घालावं व गरम तेलात बोंबील रव्यात घोळवून त्यावर टाकावा. नंतर गॅस कमी करून दोन्ही बाजूने खरपूस तळून घ्यावा. खायला तय्यार!