गोपीचंद पडळकर यांना खुले आव्हान, ठाण्यात येऊन दाखवा…

राष्ट्रवादी काँग्रेस-शरदचंद्र पवार पक्षाचे राष्ट्रीय सरचिटणीस आमदार डाॅ.जितेंद्र आव्हाड यांच्या मार्गदर्शनानुसार शरद पवार गटाने ठाण्यात आंदोलन केले. यावेळी गोपीचंद पडळकर यांच्या प्रतिमेला जोडे मारले तसेच त्यांच्या प्रतिमा जाळल्या. या आंदोलनात शेकडो कार्यकर्ते सहभागी झाले होते. तसेच त्यांच्याविरोधात जोरदार घोषणाबाजी केली.

शरद पवार गटाचे ठाणे जिल्हाध्यक्ष सुहास देसाई म्हणाले की, तोंडाने विष्ठा ओकणारा माणूस म्हणून गोपीचंद पडळकर यांची ओळख निर्माण झाली आहे. पडळकर हे वारंवार आमच्या नेत्यांवर आक्षेपार्ह टीका करीत आहे. अधिवेशनादरम्यान त्यांनी डाॅ.जितेंद्र आव्हाड यांच्या अंगावर गाडी घालण्याचा प्रयत्न केला होता. पडळकर हे विकृत आहे. अशी विकृती महाराष्ट्र कधीच खपवून घेत नाही. या पडळकर नावाचा साप आता ठेचण्याची वेळ आली आहे. आम्ही पडळकर यांना खुले आव्हान देतो की त्यांनी ठाण्यात येऊन दाखवावे; त्याला पळता भुई थोडी करू. हा पडळकर महाराष्ट्राच्या राजकारणाला लागलेली कीड आहे. आज आम्ही त्यांची फक्त प्रतिमा जाळली आहे. पुढे काय करू, हे त्यांनी समजून जावे, असा इशारा दिला.

महिलाध्यक्ष सुजाता घाग यांनी पडळकर यांनी पडळकर ठाण्यात आल्यावर आम्ही त्यास चपलेने ठोकू. तर प्रदेश प्रवक्त्या रचना वैद्य यांनी, पडळकर यांनी सुप्रियाताई सुळे, डाॅ.जितेंद्र आव्हाड यांच्यावर अशीच टीका केली होती. मात्र, स्वतःला सुसंस्कृत म्हणवून घेणारे भाजपचे नेते यावर प्रतिक्रिया द्यायला तयार नाहीत. भाजप नेत्यांनी पडळकर यांना याच कामांसाठी सोडले आहे का? असा सवाल केला.

या आंदोलनात मकसूद खान, संतोष नागले,पुजाताई शिंदे विचारे , राजेश ज. साटम , राजेश कदम, विक्रांत घाग, गजानन चौधरी , दिलीप नाईक, राजू शिंदे, कुलविंदर सिंग सोखी, राजू चापले, जगत सिंग, एकनाथ जाधव, सुनिता मोकाशी, प्रभाकर सावंत, समीर नेटके, शशिकला पुजारी, सुमित साधवाणी, सुनील सोनार, कुणाल भोईर, समाधान माने, फुलबानू पटेल, ज्योती निम्बर्गी, रेश्मा भानुषाली, पंकज सिंग , प्रविण (रिंकू) सिंह,विजय पवार, दिगंबर गरुड , कुणाल वाघ, जितेंद्र काकडे, संदीप गोंडूकुपे , ज्ञानेश्वर राजपंखे , दिलीप उपाडे, शिवा कालू सिंग, रमेश खरात, निलेश जाधव, गणेश मोरे, संदीप ढकलिया, किरण पवार, राहुल भालेराव, शंकर पमनानी आदी कार्यकर्ते सहभागी झाले होते.