रशियाच्या आकाशात रात्रभर झाली तुफान आतषबाजी, कारण काय?; बघा Viral Video

एकामागोमाग एक असंख्य रॉकेट आकाशात सुटले, रशियातील घटना सोशल मीडियावर व्हायरल

रशियामध्ये एका फटाका फॅक्टरीला भीषण आग लागली, त्यामुळे रात्रभर आकाशात फटाक्यांची तुफान आतषबाजी होत होती. या घटनेचा व्हिडिओ सोशल मीडियावर चांगलाच व्हायरल होत आहे. व्हायरल व्हिडिओत एकामागोमाग एक असंख्य रॉकेट आकाशात सुटताना दिसत आहेत. ‘डेली मेल’च्या वृत्तानुसार, रशियाच्या दक्षिणेकडील रोस्तोव-ऑन-डॉन या शहरात 6 डिसेंबरच्या रात्री ही घटना घडली. ही आग इतकी भीषण होती की, अग्निशमन दलाचे जवळपास 400 जवान रात्रभर ही आग विझवण्याचा प्रयत्न करत होते.

रशियाच्या आपात्कालीन परिस्थिती मंत्रालयानेही या घटनेचा व्हिडिओ आपल्या अधिकृत इंस्टाग्राम अकाउंटवरुन शेअर केला आहे. हा व्हिडिओ शेअर करताना मंत्रालयाने जनतेला सतर्क राहण्याचं आवाहन केलं होतं. स्थानिक माध्यमांनुसार, खराब इलेक्ट्रिक हिटरमुळे ही आग पहिल्यांदा बाजारात लागली. त्यानंतर आग पसरली आणि जवळच्या दोन मजली इमारतीने पेट घेतला. या इमारतीत नववर्षाच्या स्वागतासाठी सर्व फटाके साठवण्यात आले होते.


सुदैवाने या घटनेत कोणतीही जीवितहानी झालेली नाही, पण इमारतीचं मोठ्या प्रमाणात नुकसान झालंय.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Fireworks factory in russia catches fire viral video captures uncontrolled explosions sas

Next Story
video : रक्तस्त्राव ‘तिला’ रोखू शकत नाही !
ताज्या बातम्या