Maharashtra SSC Result: ३५ टक्के काठावर पास! ठाण्यातील विद्यार्थ्यांने सर्व विषयामध्ये मिळवले परफेक्ट ३५ गुण; म्हणाला, “मी पास..”

ठाण्यातील उथळसर विभागामध्ये राहणाऱ्या विशाल कराड या विद्यार्थ्याने दहावीच्या प्रत्येक विषयात ३५ गुण मिळवले आहेत. असे केल्याने तो ३५ टक्के काठावर पास झाला आहे. या अजबगजब विक्रमामुळे सध्या विशाल कराड खूप चर्चेत आहे. माध्यमांना दिलेल्या मुलाखतीमध्ये त्याने ‘मी दहावीची परीक्षा पास होईन असं मला वाटत नव्हतं’, असे म्हटले होते. दहावीमध्ये असतानाच विशाल उथळसर येथे सहकुटुंब राहायला गेला होता. विशालचे वडील हे रिक्षाचालक आहे. उदरनिर्वाहासाठी ते दिवसभर रिक्षा चालवतात. विशालच्या आई एका हाताने अपंग आहेत. असे असूनही त्या धुणीभांडीचे काम करुन त्याच्या वडिलांना आर्थिक सहकार्य करतात. ‘माझ्या आईवडिलांमुळे ही परीक्षा पास झालो’ असे विशालने एका मुलाखतीत सांगितले. तो म्हणाला, एका साध्या मध्यमवर्गीय कुटुंबात माझा जन्म झाला आहे. दहावीनंतर आता मला पुढील शिक्षण घ्यायचे आहे. मला भविष्यात इंजिनिअर किंवा कलेक्टर व्हायचे होऊन घरची स्थिती सुधारायची आहे.

आणखी वाचा

“माझी मुलगीही ‘Awesome’ आहे, कारण…” जागतिक कन्या दिनानिमित्त अमृता फडणवीसांची खास पोस्ट

कुल्हड पिझ्झा कपलचा प्रायव्हेट व्हिडीओ लीक? सेहज अरोराने दिलं स्पष्टीकरण, म्हणाला ‘माझी चूक…’

एकनाथ शिंदेंचं मुख्यमंत्रीपद धोक्यात? कुणाची वर्णी लागणार? रामदास आठवले म्हणाले…

संतापजनक: मध्यरात्री घरात घुसून विवाहितेवर गँगरेप; काही तासांतच जोडप्याने उचललं टोकाचं पाऊल

आणखी वाचा – Maharashtra SSC Result 2023 : जुळ्या बहिणींची कमाल, दहावीत मिळविले सारखेच गुण

विशालच्या आईवडिलांना त्याने दहावीमध्ये ३५ टक्के मिळवले याचा अभिमान आहे. आपला मुलगा काठावर का होईना पास झाला. त्याला त्याच्या गुणांमुळे प्रसिद्धी मिळत आहे यामुळे विशालचे वडील अशोक कराड खुश आहेत. ‘बरेचसे पालक आपल्या मुलाने परीक्षेत जास्त गुण मिळवले म्हणून आनंदी आहेत. माझ्या मुलाला ३५ टक्के मिळाले यापेक्षा तो दहावीची परीक्षा पास झाला याचं आम्हाला कौतुक आहे’ असे अशोक कराड यांनी म्हटले आहे.