VIDEO: “आता जीव घेणार का?”, बाहेरून जेवण ऑर्डर करण्याआधी डिलिव्हरी बॉयने केलेलं किळसवाणं कृत्य एकदा पाहाच…

आजकाल कोण काय करेल याचा काही नेम नाही. सध्या डिलिव्हरी बॉयचा असाच एक व्हिडीओ सोशल मीडियावर तुफान व्हायरल होतोय, जो पाहून तुमचाही राग अनावर होईल. या व्हिडीओमध्ये त्या डिलिव्हरी बॉयने नेमकं काय केलंय पाहा…

डिलीव्हरी बॉयचा व्हिडीओ व्हायरल

सोशल मीडियावर व्हायरल झालेला हा व्हिडीओ पाहून तुम्हालाही धक्का बसेल. या व्हिडीओमध्ये आपण पाहू शकतो की, एक झोमॅटो डिलिव्हरी बॉय दिसतोय. हा डिलिव्हरी बॉय एका बिल्डिंगच्या गेटबाहेर आपल्या स्कूटरवर पार्सल उघडताना दिसतोय. व्हिडीओच्या कॅप्शनमध्ये हा डिलिव्हरी बॉय सगळे पार्सल उघडून त्यात थुंकतो आहे असा दावा केला जात आहे. यादरम्यान, ही घटना नेमकी कुठे घडली हे अद्याप कळू शकलं नाही.

सोशल मीडियावर व्हायरल झालेला व्हिडीओ @mithilawaala1008 या इन्स्टाग्राम अकाउंटवरून शेअर करण्यात आला असून त्याला “झोमॅटो बॉय सगळी पार्सल एक एक करून उघडतोय आणि प्रत्येक पॅकेटमध्ये थुंकतोय आणि पुन्हा त्यांना सीलपॅक करतोय” अशी कॅप्शन देण्यात आली आहे. व्हिडीओ व्हायरल होताच याला २ लाखापेक्षा जास्त व्ह्युज आले आहेत.

युजर्सच्या प्रतिक्रिया

सोशल मीडियावर व्हायरल झालेला हा व्हिडीओ पाहून अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “मी नेहमीच डिलिव्हरी बॉयचे नाव पाहिल्यानंतर माझी ऑर्डर रद्द करते” तर दुसऱ्याने “निष्काळजी कंपनी आणि कर्मचारीही. आम्ही त्यांना कधीही ऑर्डर देत नाही.” अशी कमेंट केली. तर एकजण कमेंट करत म्हणाला, “झोमॅटो आणि पोलिसांनी त्याच्यावर कडक कारवाई करावी.” अशी कमेंट केली. तर “आता जीव घेणार का?” अशी कमेंटदेखील एकाने केली.