14 August 2020

News Flash

उत्तर प्रदेशात फटाक्याच्या कारखान्यात स्फोट; ७ कामगार जागीच ठार

चार कामगार जखमी

घटनास्थळाची पाहणी करताना अधिकारी.(फोटो सौजन्य : एएनआय)

उत्तर प्रदेशातील गाजियाबादमध्ये फटाक्याच्या कारखान्यात स्फोट होऊन सात कामगार जागीच ठार झाल्याची घटना रविवारी दुपारी घडली. या घटनेत चार कामगार होरपळून जखमी झाले आहेत.

गाजियाबादमधील मोदीनगर परिसरात असलेल्या फटाक्याच्या कारखान्यात दुपारी अचानक स्फोट झाला. दुपारी कामगार फटाके बनवण्याचे काम करत होते. यावेळी कारखान्यात ३० कामगार काम करत होते. त्याचवेळी अचानक भीषण स्फोट झाला. त्यानंतर भीषण आग लागली. यात सात कामगार होरपळून जागीच मरण पावले आहेत, अशी माहिती गाजियाबादचे जिल्हाधिकारी अजय शंकर पांडेय यांनी दिली.

ज्या ठिकाणी हे काम सुरू त्याच्याविरोधात गुन्हा दाखल करण्यात आला आहे. मृतांच्या कुटुंबीयांना प्रत्येकी ४ लाख रुपये मदत देण्यात येणार आहे. तर घटनेत जखमी झालेल्यांना ५० हजार रुपये मदत देण्यात येणार आहे, अशी माहिती अजयय शंकर पांडे यांनी दिली.

“घटनास्थळी पोहोचल्यानंतर आम्हाला असं दिसून आलं की, स्थानिक पोलीस ठाण्याच्या अधिकाऱ्यांनं दिरंगाई केली. त्यामुळे अधिकाऱ्याला तात्काळ निलंबित करण्यात आलं आहे. या प्रकरणाची न्यायालयीन चौकशी करण्याचे आदेशही देण्यात आले आहेत, असं पांडेय यांनी सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2020 9:00 pm

Web Title: 7 dead 4 injured in explosion at factory in ups modi nagar bmh 90
Next Stories
1 पॉझिटिव्ह बातमी : १०६ वर्षांच्या आजोबांनी दिला करोनाशी लढा, ठणठणीत होऊन परतले घरी
2 लॉकडाउनचे ‘हे’ नियम वर्षभर, ‘या’ राज्य सरकारने केली घोषणा
3 निर्मला सीतारामन यांची काळ्या नागिणीशी तुलना; तृणमूलच्या नेत्यानं केलं वादग्रस्त विधान
Just Now!
X