23 January 2021

News Flash

पुलवामा येथे चकमकीत दोन जवान शहीद, एका दहशतवाद्याचा खात्मा

हिज्बुल मुजाहिद्दीन या दहशतवादी संघटनेच्या हिलाल अहमद या दहशतवाद्याला चकमकीत कंठस्नान घातल्याची माहिती सुरक्षा दलांनी दिली.

जम्मू-काश्मीरमधील बडगाम येथे सुरक्षादल आणि दहशतवाद्यांमध्ये चकमक सुरू आहे. (संग्रहित छायाचित्र)

जम्मू- काश्मीरमधील पुलवामा येथे दहशतवादी आणि सुरक्षा दलांमध्ये चकमक झाली असून या चकमकीत दोन जवान शहीद झाल्याचे वृत्त आहे. तर एका दहशतवाद्याचा या चकमकीत खात्मा करण्यात आला आहे.

पुलवामा येथील रत्नीपोरा येथे दहशतवादी लपून बसल्याची माहिती सुरक्षा दलांना मिळाली होती. यानुसार मंगळवारी पहाटे तीनच्या सुमारास सुरक्षा दलांनी गावात शोधमोहीमेला सुरुवात केली. या दरम्यान झालेल्या चकमकीत तीन जवान जखमी झाले. त्यांना तातडीने स्थानिक रुग्णालयात दाखल करण्यात आले. यातील दोन जवानांचा उपचारादरम्यान मृत्यू झाला. तर एकावर उपचार सुरु असून त्याची प्रकृती स्थिर असल्याचे समजते.

या चकमकीत एका दहशतवाद्याचा खात्मा देखील करण्यात आला आहे. हिज्बुल मुजाहिद्दीन या दहशतवादी संघटनेच्या हिलाल अहमद या दहशतवाद्याला चकमकीत कंठस्नान घातल्याची माहिती सुरक्षा दलांनी दिली. तो पुलवामा येथील रहिवासी होता. या चकमकीदरम्यान स्थानिकांनी सुरक्षा दलांच्या कारवाईला विरोध दर्शवल्याचे समजते.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 12, 2019 11:40 am

Web Title: jammu kashmir encounter between terrorists security forces ratnipora pulwama 2 soldiers martyred
Next Stories
1 VIDEO – पंतप्रधान मोदींसमोरच त्रिपुराच्या मंत्र्याने महिला मंत्र्याच्या कमरेवर ठेवला हात
2 जाणून घ्या, काय आहे ईशान्य भारत अशांत करणारे नागरिकत्व सुधारणा विधेयक ?
3 हिंदूनाही मिळणार अल्पसंख्याकांचे फायदे?; सुप्रीम कोर्टाने मागितला अहवाल
Just Now!
X