हनुमंतप्पा सहा दिवसांनी जिवंत बाहेर

लष्कराच्या तळावरील एका कनिष्ठ अधिकाऱ्यासह अन्य नऊ जण या दुर्घटनेत मरण पावले आहेत.

लान्स नाइक हनुमंतप्पा सहा दिवसांनी जिवंत आढळले

प्रकृती चिंताजनक; पण स्थिर
सियाचेनमध्ये हिमकडा कोसळून त्याखाली गाडल्या गेलेल्या लष्कराच्या १० जवानांपैकी लान्स नाइक हनुमंतप्पा सहा दिवसांनी जिवंत आढळले असून, त्यांना तातडीने दिल्लीतील रुग्णालयात दाखल करण्यात आले आहे. दरम्यान, उर्वरित आठ जवानांचे मृतदेह मदतकार्य पथकाच्या हाती लागले आहेत.
हनुमंतप्पा यांची प्रकृती चिंताजनक असली तरी स्थिर असून, रुग्णालयात त्यांच्या विविध प्रकारच्या चाचण्या घेतल्या जात आहेत. हनुमंतप्पा हे कर्नाटकमधील असून ते २५ फूट बर्फाखाली जवळपास पाच दिवस गाडले गेले होते. सोमवारी त्यांना जिवंत बाहेर काढण्यात मदतकार्य पथकाला यश आले. लष्कराच्या तळावरील एका कनिष्ठ अधिकाऱ्यासह अन्य नऊ जण या दुर्घटनेत मरण पावले आहेत.
दरम्यान, अन्य आठ जवानांचे मृतदेह मंगळवारी मदतकार्य पथकाने बाहेर काढले. अत्यंत प्रतिकूल परिस्थितीत मदतकार्य पथकाने अविश्रांत मेहनत घेऊन जवानांचे मृतदेह बाहेर काढले.
पंतप्रधान नरेंद्र मोदी यांनी रुग्णालयात जाऊन हनुमंतप्पा यांच्या प्रकृतीची चौकशी केली. हनुमंतप्पा यांच्या धैर्याचे या वेळी मोदी यांनी कौतुक केले. हनुमंतप्पा यांच्या प्रकृतीला लवकर आराम मिळो, अशी प्रार्थनाही मोदी यांनी केली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 6 days after avalanche soldier found alive

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या