बंगळूरु: कर्नाटकमध्ये सध्या एवाय ४.२ च्या दोन नव्या प्रकरणांसह करोनाच्या डेल्टा प्लस या उत्परिवर्तित प्रकाराची ७ प्रकरणे आहेत, असे एका वरिष्ठ अधिकाऱ्याने बुधवारी सांगितले. यापैकी ३ प्रकरणे बंगळूरुतील असून उर्वरित ४ प्रकरणे राज्याच्या उर्वरित भागांतील आहेत, असे राज्याचे आरोग्य व कुटुंब कल्याण आयुक्त डी. रणदीप यांनी सांगितले. नव्या प्रकारामुळे मृत्यू झाल्याचे वृत्त नाही, मात्र एक-दोन जणांना रुग्णालयात दाखल करण्यात आले आहे, असे ते म्हणाले. दरम्यान, परदेशातून कर्नाटकात येणाऱ्या प्रवाशांसाठी राज्य सरकारने नवी मार्गदर्शक तत्त्वे जारी केली आहेत. सर्व प्रवाशांजवळ करोनाच्या आरटी-पीसीआर चाचणीचा निगेटिव्ह अहवाल असला पाहिजे. ही चाचणी प्रवास सुरू होण्यापूर्वी ७२ तासांच्या आत करण्यात आलेली असायला हवी, असे यात म्हटले आहे.
लोकसत्ता आता टेलीग्रामवर आहे. आमचं चॅनेल 
