लोकसभा निवडणुकीचा निकाल ४ जून रोजी जाहीर झाला. या निवडणुकीत एनडीएला बहुमत मिळालं आहे. तर इंडिया आघाडीला २३२ जागा मिळल्या आहेत. भारतीय जनता पार्टीने ४०० पारचा नारा दिला होता. मात्र, ४०० पारचं भाजपाचं स्वप्न भंगलं आहे. महाराष्ट्रात महायुतीला मोठा धक्का बसला आहे. लोकसभा निवडणुकीच्या प्रचारावेळी महायुतीला ४५ जागा मिळतील असा दावा केला जात होता. मात्र, निवडणुकीत महाराष्ट्रातील जनतेने महायुतीच्या पदरात फक्त १७ जागा टाकल्या आहेत. तर महाविकास आघाडीने ३० जागा जिंकल्या आहेत.

महाराष्ट्रातील ४८ लोकसभा मतदारसंघापैकी काही मतदारसंघात धक्कादायक निकाल लागले आहेत. काही दिग्गज नेत्यांनाही पराभवाला सामोरं जावं लागलं आहे. कोल्हापूरच्या हातकणंगले लोकसभा मतदारसंघात स्वाभिमानी शेतकरी संघटनेचे नेते राजू शेट्टी यांचा पराभव झाला. या मतदारसंघात शिवसेना शिंदे गटाचे उमेदवार धैर्यशील माने, स्वाभिमानी शेतकरी संघटनेचे राजू शेट्टी, ठाकरे गटाकडून सत्यजित पाटील सरुडकर अशी तिरंगी लढत झाली होती. या तिरंगी लढतीत धैर्यशील माने यांचा १४ हजार ७२३ मतांनी विजय झाला.

Kalyan East Assembly Constituency BJP aspirant Narendra Pawar from Kalyan Paschim is likely to get candidature print politics news
कारण राजकारण: शिंदे गायकवाड बेबनावामुळे पवारांचे ‘कल्याण’?
Shivsena, claim, Murbad Constituency,
शिवसेनेचा मुरबाड मतदारसंघावर दावा, वरिष्ठ नेत्यांकडून दावेदारीसाठी वरिष्ठांकडे साकडे
Doubts about Kolhapur delimitation due to assembly elections Hasan Mushrif
विधानसभा निवडणुकीमुळे कोल्हापूरच्या हद्दवाढीबाबत साशंकता – हसन मुश्रीफ
vishal patil devendra fadnavis maratha community
“देवेंद्र फडणवीसांनी मराठा समाजाला त्रास दिला अन् त्यांची…”; विशाल पाटील नेमकं काय म्हणाले?
cold war, MLA Kisan Kathore, Kapil Patil, Bhiwandi Lok sabha constituency, murbad
पराभवानतंरही कपिल पाटील यांच्या बैठकांच्या धडाक्यामुळे किसन कथोरे समर्थक अस्वस्थ
advice to BJP leaders in the state is to work with collective responsibility
सामूहिक जबाबदारीने काम करा! राज्यातील भाजप नेत्यांना दिल्लीचा सल्ला
Even after the victory in Thane Ganesh Naik and Eknath Shinde not coming together
ठाण्यातील विजयानंतरही नाईक-शिंदे मनोमिलन दूरच?
satara lok sabha marathi news
अजित पवारांनी आयत्यावेळी शब्द फिरवल्याने साताऱ्यात नाराजी

हेही वाचा : उबाठाचा मुंबईत भगवा नाही तर ‘हिरवा’ विजय; मनसेच्या नेत्याची टीका

राजू शेट्टींची भावनिक पोस्ट

स्वाभिमानी शेतकरी संघटनेचे नेते आणि माजी खासदार राजू शेट्टी यांचा मोठ्या मताधिक्याने पराभव झाला. त्यांनी पराभव झाल्यानंतर आता फेसबुकवर एक भावनिक पोस्ट शेअर करत शेतकऱ्यांना काही सवाल केले आहेत. राजू शेट्टींनी पोस्टमध्ये म्हटलं, “माझं काय चुकलं! प्रामाणिक असणं हा गुन्हा आहे का? शेतकऱ्यांनो तुम्हीही…”, असं राजू शेट्टी यांनी म्हटलं आहे. त्यांच्या या पोस्टची सध्या चर्चा रंगली आहे.

महाराष्ट्रात कोणत्या दिग्गज नेत्यांचा पराभव

महाराष्ट्रातील ४८ लोकसभा मतदारसंघापैकी काही मतदारसंघात धक्कादायक निकाल लागले आहेत. यामध्ये अनेक दिग्गज नेत्यांना पराभवाला सामोरं जावं लागलं आहे. भारतीय जनता पक्षाचे नेते रावसाहेब दानवे यांचा मोठ्या मताधिक्याने पराभव झाला आहे. त्यांच्या विरोधात असलेले काँग्रेसचे उमेदवार डॉ.कल्याण काळे यांचा विजय झाला आहे. दुसरीकडे पंकजा मुंडे यांचाही बीडमधून पराभव झाला आहे. त्यांच्या विरोधात राष्ट्रवादी शरद पवार गटाचे बजरंग बाप्पा सोनवणे हे विजयी झाले आहेत. तसेच चंद्रपूर लोकसभा मतदारसंघामध्ये भाजपाचे नेते आणि मंत्री सुधीर मुनगंटीवार यांचा पराभव झाला आहे. मुनगंटीवार यांच्या विरोधात काँग्रेसच्या प्रतिभा धानोरकर यांचा विजय झाला आहे. दरम्यान, पंतप्रधान नरेंद्र मोदी यांनी महाराष्ट्रात तब्बल १८ सभा घेतल्या होत्या. मात्र, तरीही महायुतीला फक्त १७ जागा मिळाल्या आहेत.