आगामी ट्वेन्टी-२० विश्वचषक क्रिकेट स्पर्धेसाठी भारतीय संघाची मंगळवारी (३० एप्रिल) घोषणा करण्यात आली. भारतीय संघात फार मोठे बदल पाहायला मिळाले नसले, तरी रिंकू सिंहला केवळ राखीव फळीत स्थान देण्यावरून समाजमाध्यमांवर बरीच चर्चा रंगली आहे. तसेच अनुभवी यष्टिरक्षक-फलंदाज केएल राहुल आणि ‘आयसीसी’च्या ट्वेन्टी-२० क्रमवारीत संयुक्तरीत्या पाचव्या स्थानी असलेला लेग-स्पिनर रवी बिश्नोई यांना पूर्णपणे डावलण्यात आल्याचे काही प्रमाणात आश्चर्य व्यक्त केले जात आहे. निवड समितीच्या या निर्णयांमागे काय कारण असू शकेल, याचा आढावा.

रिंकू सिंहवर अन्याय झाला का?

डावखुऱ्या रिंकूने गेल्या काही काळापासून विजयवीराच्या (फिनिशर) भूमिकेत चमकदार कामगिरी केली आहे. गेल्या दोन ‘आयपीएल’ हंगामांतील यशस्वी कामगिरीनंतर रिंकूला भारतीय संघात संधी मिळाली होती. त्याने या संधीचे सोने करताना ११ ट्वेन्टी-२० आंतरराष्ट्रीय सामन्यांत ८९च्या सरासरी आणि १७६.२३च्या स्ट्राईक रेटने ३५६ धावा केल्या. गेल्या वर्षीच्या अखेरीस त्याने दक्षिण आफ्रिकेत ३९ चेंडूंत नाबाद ६८ धावांची खेळी केली होती. त्यानंतर या वर्षी जानेवारीत अफगाणिस्तानविरुद्धच्या तिसऱ्या ट्वेन्टी-२० सामन्यात त्याने ३९ चेंडूंत नाबाद ६९ धावा केल्या होत्या. या सामन्यात भारतीय संघाची ४ बाद २२ अशी स्थिती झाली होती. त्यानंतर रिंकू आणि कर्णधार रोहित शर्मा (नाबाद १२१) यांनी अप्रतिम फलंदाजी करताना भारताला २० षटकांत २१२ धावांपर्यंत पोहोचवले होते. हा भारताचा अखेरचा ट्वेन्टी-२० सामना होता. या कामगिरीनंतर रिंकूला ट्वेन्टी-२० विश्वचषकासाठी भारतीय संघात स्थान न मिळणे हे नक्कीच आश्चर्यकारक आहे.

India Batting Coach Vikram Rathour Statement on Virat Kohli
विराटच्या बॅटिंग ऑर्डरवर प्रश्न विचारताच भारताच्या प्रशिक्षकाने केली सर्वांची बोलती बंद; म्हणाले, “तुम्ही सगळे…”
Ian Smith's reaction to Rishabh Pant
T20 WC 2024 : पंतची गिलख्रिस्टशी तुलना करण्यावर माजी खेळाडूचे मोठे वक्तव्य; म्हणाला, ‘त्याच्यासारखा बनण्यासाठी पंतला अजून…’
Ashwin Reacts On Virat Kohli Playing at Number 3
“विराट कोहली म्हणेल, तुम्ही मला खाली आणलंत, आता..”,अश्विनने सांगितला टीमच्या क्रमवारीत बदल केल्यास होणारा परिणाम
Kohli Fervent fans rally behind Kohli with spirited chants video viral
VIDEO : ‘हमारा नेता कैसा हो, कोहली जैसा हो…’, लाइव्ह मॅचमध्ये चाहत्यांनी दिल्या घोषणा, विराट पुन्हा होणार कर्णधार?
IND vs PAK: Wasim Akram Tells Reason of Pakistan Defeat
“बाबर, आफ्रिदी एकमेकांशी बोलत नाहीत, रिझवानला तर..”, वासिम अक्रमनं सांगितली पाकिस्तान हरण्याची ३ नेमकी कारणं
Mohammad Amir's strategy to dismiss the hitman
IND vs PAK : रोहितला आऊट करण्याच्या रणनीतीबद्दल आमिरचा मोठा खुलासा; म्हणाला, “त्याला फक्त…”
tennis players expressed displeasure over late night match at the french open
पहाटेपर्यंत खेळण्यावरून खेळाडूंमध्ये नाराजी; पर्याय शोधण्याची मात्र कुणाचीच तयारी नाही
all eyes on the performance of the indian team in icc t20 world cup
विश्वचषकात अमेरिकेच्या पदार्पणाची उत्सुकता; ‘आयसीसी’ जेतेपदाचा दुष्काळ संपवण्याचे भारताचे ध्येय

हेही वाचा : विश्लेषण : तुमच्या स्मार्टफोनचीही बॅटरी ‘स्लो’ झालीय? हा  कडक तापमानाचा परिणाम असू शकतो…

‘आयपीएल’मधील कामगिरीचा कितपत फटका?

रिंकूला यंदाच्या ‘आयपीएल’मध्ये फारशी फलंदाजी मिळालेली नाही. कोलकाता नाइट रायडर्सने पाचव्या-सहाव्या क्रमांकापेक्षा वर खेळण्याची त्याला क्वचितच संधी दिली आहे. याचा निश्चित रिंकूला फटका बसला आहे. यंदाच्या स्पर्धेतील आठ डावांत मिळून रिंकू केवळ ८२ चेंडू खेळला आहे. याचा अर्थ, एका डावात तो सरासरी केवळ १० चेंडू खेळत आहे. तो फलंदाजीला येतो, तेव्हा एक-दोन षटकेच शिल्लक असतात. त्यामुळे त्याला फारसा प्रभाव पाडण्याची संधी मिळालेली नाही. भारतीय संघातील स्थानसाठी त्याच्यात आणि शिवम दुबेमध्ये स्पर्धा होती, असे म्हटले जात आहे. यात चेन्नई सुपर किंग्जसाठी यंदाच्या हंगामात केलेल्या चमकदार कामगिरीचा दुबेला फायदा झाला आहे. त्याने या हंगामातील नऊ सामन्यांत मिळून २०३ चेंडू खेळले असून यात ३५० धावा केल्या आहेत. त्याने एकूण २६ षटकार आणि २४ चौकारांची आतषबाजी केली आहे. याउलट रिंकूला नऊ चौकार आणि सहा षटकारच मारता आले आहेत. तसेच दुबे मध्यम गती गोलंदाजही असल्याने त्याला पसंती मिळाल्याची शक्यता आहे.

राहुलला संघात स्थान का नाही?

रिंकूची केवळ राखीव खेळाडूंत निवड, यासह केएल राहुलला ट्वेन्टी-२० विश्वचषकासाठी भारतीय संघात स्थान न मिळाल्याबाबतही बरीच चर्चा होत आहे. यष्टिरक्षक-फलंदाज म्हणून ऋषभ पंत आणि संजू सॅमसन यांना पसंती देण्यात आली आहे. पंतचे भारतीय संघातील स्थान जवळपास निश्चित मानले जात होते. दुसऱ्या यष्टिरक्षकाच्या स्थानासाठी सॅमसन आणि राहुल शर्यतीत होते. अखेरीस मधल्या षटकांत फिरकीपटूंविरुद्ध आक्रमक शैलीत खेळण्याच्या क्षमतेमुळे सॅमसनला झुकते माप मिळाल्याची शक्यता आहे. राहुल डावाच्या सुरुवातीला वेळ घेतो. तसेच ट्वेन्टी-२० क्रिकेटमध्ये मधल्या फळीत तो फारसा खेळलेला नाही. आघाडीच्या फळीत भारताकडे रोहित शर्मा, विराट कोहली, यशस्वी जैस्वाल आणि सूर्यकुमार यादव यांसारखे फलंदाज आहेत. त्यामुळे तेथेही राहुलला फारशी संधी नाही. याच कारणास्तव, त्याची निवड झाली नाही असे मानले जात आहे.

हेही वाचा : विश्लेषण : उत्तराखंडमधील वणवा आटोक्यात का येत नाही? वणव्यांची समस्या जगभर उग्र का बनतेय?

बिश्नोईला का वगळण्यात आले?

केएल राहुलच्या नेतृत्वाखालील लखनऊ सुपर जायंट्सकडून ‘आयपीएल’मध्ये खेळणाऱ्या लेग-स्पिनर रवी बिश्नोईलाही भारतीय संघात स्थान मिळालेले नाही. बिश्नोई सध्या जागतिक ट्वेन्टी-२० क्रमवारीत गोलंदाजांमध्ये संयुक्त पाचव्या स्थानावर आहेत. त्याने भारताकडून २४ ट्वेन्टी-२० सामन्यांत ३६ बळी मिळवले आहेत. मात्र, यंदाच्या ‘आयपीएल’ हंगामातील साधारण कामगिरीमुळे त्याला वगळण्यात आल्याची शक्यता आहे. भारताची संघनिवड होण्यापूर्वी त्याला यंदाच्या ‘आयपीएल’मध्ये नऊ सामन्यांत केवळ पाच बळी मिळवता आले. त्यातच राजस्थान रॉयल्ससाठी खेळणाऱ्या यजुवेंद्र चहलने ९ सामन्यांत १३ गडी बाद केले आहेत. त्यामुळेच लेग-स्पिनर म्हणून चहलला पसंती देण्यात आली आहे.

अन्य कोणत्या खेळाडूंची नावे चर्चेत होती?

‘आयपीएल’मधील चमकदार कामगिरीमुळे रियान पराग, अभिषेक शर्मा, ऋतुराज गायकवाड आणि तिलक वर्मा हे फलंदाज, तसेच मयांक यादव, टी. नटराजन आणि संदीप शर्मा यांसारख्या वेगवान गोलंदाजांची नावे चर्चेत होती. परंतु, निवड समितीने विश्वचषकासाठी अनुभवी खेळाडूंनाच प्राधान्य दिले आहे. या ट्वेन्टी-२० विश्वचषकानंतर होणाऱ्या मालिकांसाठी मात्र युवा खेळाडूंचा विचार होण्याची दाट शक्यता आहे.