scorecardresearch

Premium

IND vs AUS: आश्विन ११ वर्षानंतर चेन्नईत वनडे खेळण्यासाठी सज्ज! आयसीसीने शेअर केला ऑस्ट्रेलियाला धडकी भरवणारा VIDEO

Ind vs Aus Score, World Cup 2023: भारत आणि ऑस्ट्रेलिया संघात आज एकदिवसीय विश्वचषक स्पर्धेतील पाचवा सामना चेन्नईत खेळला जाणार आहे. या सामन्याच्या निमित्ताने रविचंद्रन आश्विन ११ वर्षानंतर घरच्या मैदानावर वनडे सामना खेळणार आहे.

India vs Australia Cricket Score Updates in Marathi
विश्वचषक २०२३ भारत विरुद्ध ऑस्ट्रेलिया अपडेट (फोटो-लोकसत्ता ग्राफिक्स टीम)

World Cup 2023, India vs Australia Updates: भारतीय क्रिकेट संघ रविवारी विश्वचषक मोहिमेला सुरुवात करणार आहे. त्याच्यासमोर पहिले आव्हान ऑस्ट्रेलियाचे असणार. हा सामना चेन्नईत होणार आहे. फिरकी गोलंदाज आर अश्विन त्याच्या घरच्या मैदानावर होणाऱ्या या सामन्यासाठी पूर्णपणे तयार आहे. अश्विन केवळ गोलंदाजीच नव्हे तर फलंदाजीलाही धार लावण्यात व्यस्त आहे. ऑस्ट्रेलियासाठी ही धोक्याची घंटा आहे. आयसीसीनेही एक व्हिडिओ शेअर करून ऑस्ट्रेलियाला इशारा दिला आहे.

अश्विनचा व्हिडीओ व्हायरल –

आयसीसीने रविवारी एक व्हिडीओ शेअर केला. ज्यामुळे ऑस्ट्रेलियाचा तणाव वाढणार. हा व्हिडीओ भारताच्या सराव सत्राचा आहे, ज्यामध्ये अश्विन फलंदाजी करताना दिसत आहे. एकामागून एक चेंडू तो सीमापार पाठवत होता. जणू काही पूर्णवेळ फलंदाज सराव करत आहे. टीम इंडियाने अश्विनला सलामीला पाठवावे, अशी प्रतिक्रियाही चाहत्यांनी दिली.

Umpire stops Australia Wicket celebrations no appeal For run out Rule For Not Out AUS vs WI T20I Highlights Second Win After IND vs AUS
ऑस्ट्रेलियाचं सेलिब्रेशन पंचांनी थांबवलं; बाद असूनही ‘त्याला’ घोषित केलं नाबाद, क्रिकेटचा हा नियम काय सांगतो?
Indian u 19 cricket team skipper uday saharan
U19 WC Final : “आमची तयारी चांगली होती, पण..”, पराभवानंतर कर्णधार उदय सहारनची प्रतिक्रिया
IND U19 vs AUS U19 ICC
IND vs AUS U19 WC Final : राज लिंबानीचा टिच्चून मारा, हरजस सिंगचं अर्धशतक, ऑस्ट्रेलियाचं भारतासमोर २५४ धावांचं आव्हान
AUS U19 icc
IND vs AUS ICC U19 WC Final : पुन्हा स्वप्न भंगलं! दोन महिन्यात दुसऱ्यांदा आयसीसी स्पर्धेच्या अंतिम सामन्यात ऑस्ट्रेलियाकडून भारताचा पराभव

ऑस्ट्रेलियाचा तणाव वाढला –

अश्विनचा हा व्हिडीओ ऑस्ट्रेलियासाठी मोठा पेच निर्माण करणारा आहे. मायदेशात अश्विनचा गोलंदाजीचा विक्रमच धडकी भरवणारा नाही, तर त्याची फलंदाजीही ऑस्ट्रेलियाला अडचणीत आणू शकते. अश्विनने देशांतर्गत टी-२० लीगमध्येही टॉप ऑर्डरमध्ये फलंदाजी केली आहे. एक परिपक्व अष्टपैलू खेळाडू म्हणून या स्पर्धेत उतरणार असल्याचे भारतीय फिरकी गोलंदाजाने दाखवून दिले आहे. केवळ ऑस्ट्रेलियाच नाही तर इतर सर्व संघांनाही अश्विनपासून दूर राहण्याची गरज आहे.

हेही वाचा – World Cup 2023, IND vs AUS: भारत-ऑस्ट्रेलिया सामन्याची संभाव्य प्लेइंग इलेव्हन, पिच रिपोर्ट आणि मॅच प्रिडीक्शनसह, जाणून घ्या सर्व काही

वृत्तांवर विश्वास ठेवला तर अश्विनला ऑस्ट्रेलियाविरुद्ध भारताच्या प्लेइंग इलेव्हनमध्ये संधी मिळण्याची खात्री आहे. चेन्नईच्या खेळपट्टीचा विचार करता अश्विनचे ​​संघात राहणे फायदेशीर ठरू शकते. अश्विन प्लेइंग इलेव्हनमध्ये आहे याचा अर्थ भारत तीन फिरकीपटूंसह मैदानात उतरेल. अश्विनशिवाय कुलदीप यादव आणि रवींद्र जडेजा हे देखील संघात असतील.

चेन्नईत अश्विनचा विक्रम –

चेन्नईमध्ये खेळल्या गेलेल्या तीन सामन्यांमध्ये अश्विनने गोलंदाजी करताना एकूण ५ विकेट्स घेतल्या आहेत. त्याने २०१० मध्ये न्यूझीलंडविरुद्ध ३ विकेट्स घेतल्या होत्या. वेस्ट इंडिजविरुद्ध २ विकेट्स घेतले होते. त्याचबरोबर २०१२ मध्ये त्याला पाकिस्तानविरुद्ध एकही विकेट घेण्यात यश आले नव्हते. त्याने येथे तीनपैकी दोन सामन्यांत फलंदाजी केली आहे. यामध्ये अश्विनने ४२ धावा केल्या आहेत.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Before the india vs australia match icc shared a video of ravichandran ashwin vbm

First published on: 08-10-2023 at 13:31 IST

संबंधित बातम्या

तुम्ही या बातम्या वाचल्या आहेत का? ×