WPL 2024 : डब्ल्यूपीएलच्या पहिल्या सामन्यात मुंबई-दिल्ली आमनेसामने, जाणून घ्या कधी आणि कुठे पाहता येणार सामना? Find out when and where to watch Delhi Capitals vs Mumbai Indians first match of Women's Premier League 2024

WPL 2024 Updates : २३ फेब्रुवारीपासून भारतात महिला प्रीमियर लीग २०२४ सुरू होणार आहे. डब्ल्यूपीएलचा पहिला सामना मुंबई इंडियन्स आणि दिल्ली कॅपिटल्स यांच्यात होणार आहे. पहिल्या सत्रातही दोन्ही संघ अंतिम फेरीत आमनेसामने आले होते. ज्यामध्ये हरमनप्रीतच्या नेतृत्वाखाली मुंबई इंडियन्सने विजेतेपद पटकावले.

WPL 2024 Delhi Capitals vs Mumbai Indians Live Streaming Updates

महिला प्रीमियर लीग २०२४ मध्ये सहभागी संघ( फोटो - डब्ल्यूपीएल एक्स)

Women’s Premier League 2024 Updates : महिला प्रीमियर लीगचा दुसरा हंगाम २३ फेब्रुवारीपासून खेळवला जाणार आहे. डब्ल्यूपीएल २०२४ ची सुरुवात गतविजेत्या मुंबई इंडियन्स आणि गेल्या हंगामातील उपविजेते दिल्ली कॅपिटल्स यांच्यातील चुरशीच्या सामन्याने होईल. या दोन संघांमध्ये डब्ल्यूपीएल लीगच्या पहिल्या सत्राचा अंतिम सामनाही खेळला गेला होता. आता पुन्हा एकदा हे दोन बलाढ्य संघ आमनेसामने येणार आहेत. हा सामना बंगळुरूच्या एम चिन्नास्वामी स्टेडियमवर होणार आहे. हा चुरशीचा सामना तुम्ही कधी, कुठे आणि कसा लाइव्ह पाहू शकता? ते जाणून घेऊयात.

कितीला सामना सुरु होणार?

शुक्रवार, २३ फेब्रुवारी रोजी, डब्ल्यूपीएल २०२४ चा पहिला सामना हरमनप्रीत कौरच्या नेतृत्वाखालील मुंबई इंडियन्स आणि मेग लॅनिंगच्या नेतृत्वाखाली दिल्ली कॅपिटल्स यांच्यात होणार आहे. हा सामना बंगळुरूच्या एम चिन्नास्वामी स्टेडियमवर भारतीय वेळेनुसार संध्याकाळी ७.३० वाजता सुरु होईल. याआधी बीसीसीआयतर्फे संध्याकाळी साडेसहा वाजता उद्घाटन सोहळ्याचे आयोजन करण्यात येणार आहे. ज्यामध्ये अनेक बॉलिवूड स्टार्स आपली परफॉर्फ करताना दिसणार आहेत.

How have the five teams prepped up for #TATAWPL Season 2 ❓

It's time to hear from the Captains!

Stay tuned till the end to watch them make some decisive picks! ??

WATCH ??
— Women's Premier League (WPL) (@wplt20) February 22, 2024

फोनवर लाइव्ह कुठे बघता येणार सामना?

महिला प्रीमियर लीग २०२४ चे सर्व सामने जिओ सिनेमा ॲपवर थेट प्रक्षेपित केले जातील. तुम्हाला येथे सर्व सामने मोफत पाहता येतील. यासाठी तुम्हाला तुमच्या फोनमध्ये जिओ सिनेमा ॲप डाउनलोड करावे लागेल. त्यानंतर तुम्ही डब्ल्यूपीएल २०२४ सहज पाहू शकता. मुंबई इंडियन्स आणि दिल्ली कॅपिटल्स यांच्यातील चुरशीचा सामना देखील फक्त जिओ सिनेमा ॲपवर थेट प्रसारित केला जाईल.

हेही वाचा – IND vs ENG 4th Test : रांची कसोटीत पाऊस व्यत्यय आणणार? जाणून घ्या पाच दिवसांच्या हवामानाची माहिती

टीव्हीवर कुठे बघता येणार सामना?

मुंबई इंडियन्स आणि दिल्ली कॅपिटल्स यांच्यातील दुसऱ्या सत्रातील पहिला सामना संपूर्ण कुटुंबासह स्पोर्ट्स १८ नेटवर्कवर थेट पाहू शकता. स्पोर्ट्स १८ नेटवर्कवर तुम्ही हिंदी आणि इंग्रजीसह अनेक भाषांमध्ये या सामन्याचा आनंद घेऊ शकता.

हेही वाचा – IPL 2024 : आयपीएलच्या सलामीच्या लढतीत महेंद्रसिंग धोनी- विराट कोहली आमनेसामने, २१ सामन्यांचं वेळापत्रक जाहीर

This quiz is AI-generated and for edutainment purposes only.

लॅपटॉपवर देखील विनामूल्य सामने बघता येणार –

महिला प्रीमियर लीग २०२४ चे सामने फोन आणि टीव्ही तसेच लॅपटॉपवर विनामूल्य पाहता येतात. हा सामना लॅपटॉपवर लाइव्ह पाहण्यासाठी तुम्हाला जिओ सिनेमाच्या वेबसाइटवर जाऊन लॉग इन करावे लागेल. त्यानंतर तुम्ही तुमच्या लॅपटॉपवर पहिल्या सामन्याचा तसेच डब्ल्यूपीएल २०२४ च्या उद्घाटन सोहळ्याचा आनंद घेऊ शकाल.

First published on: 22-02-2024 at 19:41 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Find out when and where to watch delhi capitals vs mumbai indians first match of womens premier league 2024 vbm