India vs Australia 2nd T20: ऑस्ट्रेलियाचा टीम इंडियावर एकतर्फी विजय! मालिकेत १-० ने घेतली आघाडी

या सामन्यात भारतीय संघाला १२६ धावा करायच्या होत्या. या धावांचा पाठलाग करताना भारतीय संघाला ४ गडी राखून पराभवाचा सामना करावा लागला आहे.

ऑस्ट्रेलियाला तिसरा धक्का बसला आहे. टीम डेव्हिड १ धाव करून माघारी परतला आहे.

या सामन्यातील पहिल्या डावात फलंदाजीसाठी आलेल्या भारतीय संघाचा डाव १२५ धावांवर आटोपला आहे. ऑस्ट्रेलियाला हा सामना जिंकण्यासाठी १२६ धावा करायच्या आहेत. भारताकडून पहिल्या डावात फलंदाजी करताना अभिषेक शर्माने सर्वाधिक ६८ धावांची खेळी केली. तर हर्षित राणाने ३४ धावांची खेळी केली. इतर कुठल्याही फलंदाजाला मोठी खेळी करता आली नाही.

अभिषेक शर्माने २३ चेंडूत आपलं अर्धशतक पूर्ण केलं आहे. १३ षटकांअखेर भारताने ५ गडी बाद ९१ धावा केल्या आहेत.

भारतीय संघातील ४ प्रमुख फलंदाज अवघ्या ५ व्या षटकात माघारी परतले आहेत. तिलक वर्मा शून्यावर माघारी परतला आहे.

भारतीय संघाला सुरूवातीलाच मोठा धक्का बसला. शुबमन गिल अवघ्या ५ धावांवर माघारी परतला. त्यानंतर संजू सॅमसन अवघ्या २ धावा करून माघारी परतला आहे.

हा सामना सुरू होण्यापूर्वी दोन्ही संघातील खेळाडूंनी बेन ऑस्टीनला श्रद्धांजली वाहिली. ऑस्ट्रेलियातील क्लब क्रिकेट खेळणाऱ्या १७ वर्षीय बेन ऑस्टीनचे डोक्याला चेंडू लागून निधन झाले आहे. त्यामुळे दोन्ही संघातील खेळाडू हाताला काळ्या रंगाची पट्टी बांधून मैदानात उतरले आहेत.