IND vs OMAN Live: भारताने ओमानवर अखेरीस मिळवला विजय, वर्ल्ड चॅम्पियन संघासमोर नवख्या संघाची कडवी झुंज

भारताकडून १९ व्या आणि २०व्या षटकात हार्दिक व अर्शदीपने विकेट घेत भारताच्या विजयाचा मार्ग सुकर केला. अखेरीस टीम इंडियाने २१ धावांनी ओमानवर विजय नोंदवला. पण ओमानने मात्र वर्ल्ड चॅम्पियन भारताला सहजी विजय मिळवू दिला नाही. ओमानच्या दोन फलंदाजांनी भारताविरूद्ध अर्धशतक झळकावली.

नवख्या ओमानने वर्ल्ड चॅम्पियन भारताविरूद्ध कडवी झुंज देत टीम इंडियाच्या गोलंदाजांची शाळा घेतली. ओमानला विजयासाठी १८ चेंडूत ४८ धावांची गरज आहे.

ओमानच्या सलामी जोडीने अर्धशतकी भागीदारी रचत भारतीय गोलंदाजीसमोर उत्कृष्ट फलंदाजी केली. अखेरीस कुलदीप यादवने नवव्या षटकात कर्णधार जतिंदर सिंगला क्लीन बोल्ड करत संघाला पहिली विकेट मिळवून दिली.

भारताने झटपट विकेट्स गमावल्याने अखेरच्या षटकांमध्ये मोठी धावसंख्या उभारण्यात अपयश आलं आहे. तिलक वर्मा, संजू सॅमसन झेलबाद झाले तर अर्शदीप सिंग विचित्रपणे धावबाद झाला.

शिवम दुबेदेखील येताच मोठा फटका खेळण्याच्या प्रयत्नात झेलबाद झाला. कलीमच्या भेदक गोलंदाजीसमोर तो ५ धावा करत माघारी परतला. यासह भारताने आतपर्यंत १५ षटकांत ५ बाद १४० धावा केल्या आहेत.

सामन्यातील आठव्या षटकात ओमानचा गोलंदाजी जितेन गोलंदाजीला आला. त्याच्या षटकातील पहिल्याच चेंडूवर अभिषेक शर्मा झेलबाद झाला. बॅटची कड घेत चेंडू थेट विकेटकिपरच्या हातात गेला. तर याच षटकातील तिसऱ्या चेंडूवर हार्दिक पंड्या नॉन स्ट्रायकर एंडवर धावबाद झाला. संजूने जितेनने टाकलेला सरळ मारला आणि जितेनच्या हाताला लागून थेट स्टंसवर आदळला. खेळाडूचा हात चेंडूला लागल्याने हार्दिक धावबाद झाला.

भारताला ओमानविरूद्ध सामन्यात दुसऱ्याच षटकात मोठा धक्का बसला आहे. संघाचा सलामीवीर शुबमन गिल फैजल शाहच्या कमालीच्या गोलंदाजीवर क्लीन बोल्ड झाला आहे.

आशिया चषक गट टप्प्यातील अखेरचा सामना भारत आणि ओमान यांच्यात होत आहे. भारतीय संघाने या सामन्याची नाणेफेक जिंकली आहे आणि प्रथम फलंदाजीचा निर्णय घेतला आहे. भारताने सुरूवातीच्या दोन सामन्यांमध्ये फलंदाजी केली नसल्याने फलंदाजीचा निर्णय़ घेतला आहे. तर ओमान गोलंदाजीने सामन्याला सुरूवात करणार आहे.

‘अव्वल चार’ फेरीपूर्वी भारतीय संघ वेगवान गोलंदाज जसप्रीत बुमराला विश्रांती देण्याची शक्यता आहे. तसे झाल्यास अर्शदीप सिंग आणि हर्षित राणा यांच्यापैकी एकाला स्पर्धेतील पहिला सामना खेळण्याची संधी मिळू शकेल. भारतीय संघ स्पर्धेत हा एकमेव सामना अबू धाबी येथे खेळणार आहे. दुबईहून अबू धाबीला जाण्यास दोन तास लागत असल्याने भारतीय संघाने सरावही न करणे पसंत केले.

सूर्यकुमार यादव (कर्णधार), अभिषेक शर्मा, शुभमन गिल, संजू सॅमसन, तिलक वर्मा/रिंकू सिंग, हर्षित राणा, हार्दिक पांड्या, अक्षर पटेल, कुलदीप यादव, अर्शदीप सिं, वरुण चक्रवर्ती.