scorecardresearch

Premium

पुढील वर्षी पुन्हा खेळण्याचा प्रयत्न; ‘आयपीएल’ जेतेपदानंतर महेंद्रसिंह धोनीची भावना

पुढील वर्षी आणखी एक इंडियन प्रीमियर लीगचा (आयपीएल) हंगामात खेळण्याचा प्रयत्न करेन, असे ‘आयपीएल’चे जेतेपद मिळवल्यानंतर चेन्नई सुपर किंग्जचा कर्णधार महेंद्रसिंह धोनी म्हणाला.

dhoni and pandya
(महेंद्रसिंग धोनी आणि हार्दिक पांड्या )( संग्रहित छायाचित्र)/ लोकसत्ता

पीटीआय, अहमदाबाद

पुढील वर्षी आणखी एक इंडियन प्रीमियर लीगचा (आयपीएल) हंगामात खेळण्याचा प्रयत्न करेन, असे ‘आयपीएल’चे जेतेपद मिळवल्यानंतर चेन्नई सुपर किंग्जचा कर्णधार महेंद्रसिंह धोनी म्हणाला. सोमवारी चेन्नई सुपर किंग्जने अंतिम सामन्यात गुजरात टायटन्सवर पाच गडी राखून विजय मिळवत आपले पाचवे ‘आयपीएल’ विजेतेपद पटकावले. या हंगामाच्या सुरुवातीला धोनीचे हे अखेरचे ‘आयपीएल’ सत्र असल्याची चर्चा होती. मात्र, त्याच्या या वक्तव्यानंतर तो आणखी एक हंगाम खेळण्याची शक्यता वाढली आहे.

thackeray group organizes hou de charcha event in kalyan dombivali
कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन
Rishi Sunak and Akshata Murthy
ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का
The employee boarded the truck to collect the toll from the truck driver
ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…
aditya thackeray letter to bmc commissioner demand to disposed accumulated waste in city
मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

‘‘परिस्थिती पाहिल्यास निवृत्ती घेण्याची ही सर्वोत्तम वेळ आहे. मी निवृत्ती घेत आहे, हे म्हणणे खूप सोपे आहे. मात्र, आगामी नऊ महिन्यांत कठोर मेहनत घेऊन पुनरागमन करत आणखी एक सत्र खेळणे कठीण आहे. यासाठी शरीराची साथ मिळणेही आवश्यक आहे,’’ असे सामना संपल्यानंतर धोनी म्हणाला. या हंगामात चेन्नईचा संघ ज्या ठिकाणी खेळला, त्या ठिकाणी क्रिकेट चाहते धोनीला खेळताना पाहण्यासाठी स्टेडियमध्ये गर्दी करताना दिसले.

‘‘चेन्नईच्या चाहत्यांना ज्याप्रमाणे मला प्रेम दिले. मी आणखी एक हंगाम खेळल्यास त्यांच्यासाठी ते मोठी भेट असेल. ज्याप्रमाणे ते माझ्यासाठी सदैव उभे राहिले. मलाही त्यांच्यासाठी काही करायचे आहे. माझ्या कारकीर्दीतील हा अखेरचा काळ आहे. चेन्नई येथे झालेल्या पहिल्या सामन्यात संपूर्ण स्टेडियममध्ये माझे नाव घुमत होते. त्यामुळे पुनरागमन करून जेवढे खेळणे मला शक्य होईल, तेवढे मी खेळेन,’’ असे धोनीने सांगितले.

नियतीने धोनीसाठी हे लिहिले होते -हार्दिक

नियतीने महेंद्रसिंह धोनीसाठी हे लिहिले होते, असे गुजरात टायटन्सचा कर्णधार हार्दिक पंडय़ा आपले मार्गदर्शक आणि चेन्नईचा कर्णधार महेंद्रसिंह धोनीचे कौतुक करताना म्हणाला. हार्दिक अंतिम सामन्यातील पराभवानंतर म्हणाला,‘‘मी धोनीसाठी खूप आनंदी आहे. नियतीने त्याच्यासाठी हे लिहिले होते. मला पराभूत व्हायचे असेल तर त्याच्याकडून पराभूत झाल्यास मला काहीही अडचण नाही. चांगल्या व्यक्तींसोबत चांगल्या गोष्टी होतात. मी ज्या काही चांगल्या व्यक्तींना ओळखतो, त्यांपैकी धोनी एक आहे. देवाने माझ्यावर नेहमीच कृपा केली आहे. मात्र, हा दिवस धोनीचा होता.’’

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahendra singh dhoni feeling after ipl title to try to play again next year amy

संबंधित बातम्या

तुम्ही या बातम्या वाचल्या आहेत का? ×