Rinku Singh Priya Saroj Engagement: रिंकू सिंह आणि खासदार प्रियाचा साखरपुडा संपन्न, स्टेजवरच प्रिया सरोजच्या डोळ्यात तरळले अश्रू, पाहा VIDEO

रिंकू सिंह आणि प्रिया सरोज यांचा साखरपुडा समारंभ लखनौमधील हॉटेलमध्ये पार पडला. लखनौमधील द सेंट्रम हॉटेलमध्ये एका खाजगी समारंभात खासदार प्रिया सरोजशी साखरपुडा करत एका नव्या इनिंगला सुरूवात केली आहे. या कार्यक्रमात जवळचे कुटुंबीय, मित्र आणि राजकारणी तसेच क्रिकेट जगतातील निवडक पाहुणे उपस्थित होते.

समारंभाच्या आधी, रिंकूने आपल्या कुटुंबासह उत्तर प्रदेशातील बुलंदशहर येथील चौधरा वली विचित्रा देवी मंदिरात जाऊन आशीर्वाद घेतला. हे जोडपं पांढऱ्या आणि गुलाबी रंगाच्या पोशाखात एकत्र कार्यक्रमस्थळी पोहोचले. त्यापूर्वी दोघांच्याही फोटोशूटचे फोटो आणि व्हीडिओ समोर आले होते. रिंकू सिंह आणि प्रिया सरोज यांनी एकमेकांचा हात धरत हॉलमध्ये प्रवेश केला. जिथे अनेक पाहुणे राजकारणी उपस्थित होते. बीसीसीआयचे उपाध्यक्ष राजीव शुक्ला, त्यानंतर समाजवादी पक्षाचे अखिलेश यादव, जया बच्चन व पक्षाच्या इतर वरिष्ठांनीही उपस्थिती लावली होती.

रिंकू सिंह आणि प्रिया सरोज स्टेजवर गेल्यानंतर त्यांचा साखरपुडा पार पाडला. यानंतर दोघांचा एकत्र फोटो घेत असताना खासदार प्रिया सरोज भावुक झाली. तिच्या डोळ्यात अश्रू तरळले होते. प्रियाला तिच्या भावना आवरत येत नसल्याने ती सर्वांकडून पाठ करूनही रडताना दिसली. तर रिंकू सिंह तिची समजूत घालताना दिसत आहे. या क्षणाचा व्हीडिओ व्हायरल होत आहे.

रिंकू-प्रियाच्या साखरपुड्याला येणाऱ्या पाहुण्यांसाठी द सेंट्रम हॉटेलमध्ये १५ खोल्या बुक करण्यात आल्या होत्या, त्यापैकी पाच रूम रिंकूच्या जवळच्या मित्रांसाठी खास राखीव होत्या. सुरक्षा व्यवस्था कडक होती, फक्त बारकोड केलेले पास असलेल्यांनाच प्रवेश दिला जात होता. रिंकू सिंहने यंदाच्या आयपीएल मोसमात कोलकाता नाईट रायडर्सकडून खेळताना २०६ धावा केल्या होत्या. दरम्यान गतवर्षीचा चॅम्पियन केकेआर संघ लीग स्टेजमधूनच स्पर्धेतून बाहेर झाला. केकेआरने यंदा आठव्या स्थानी १२ गुणांसह आपली मोहिम संपवली.