scorecardresearch

Premium

Hong Kong Open Badminton : सलामीच्या सामन्यातच सायनाचे ‘पॅकअप’

जपानच्या अकाने यामागूचीने चारली धूळ

सायना नेहवाल (संग्रहीत छायाचित्र)
सायना नेहवाल (संग्रहीत छायाचित्र)

Hong Kong Open Badminton – या स्पर्धेत भारताची फुलराणी सायना नेहवाल हिला सलमीच्याच सामन्यात गाशा गुंडाळावा लागला. जपानच्या अकाने यामागूची हिने सायनाला २१-१०, १०-२१, १९-२१ असे पराभूत केले. पहिला गेम सायनाने २१-१० असा अगदी सहज जिंकला होता. त्यामुळे पुढच्या गेममध्येही सायना विजय मिळवेल अशी चाहत्यांची अपेक्षा होती. पण दुसऱ्या गेममध्ये यामागूची हिने अप्रतिम खेळ केला आणि गेम २१-१० असे नमवत तिच्याच भाषेत उत्तर दिले. त्यानंतर तिसरा गेम अपेक्षेप्रमाणे अटीतटीचा झाला. दोघींमध्ये गुणांसाठी चुरस होती. पण अखेर यामागूचीने चपळ खेळ करत तिसरा गेम जिंकला आणि सायनाला स्पर्धेबाहेरचा रस्ता दाखवला.

याच स्पर्धेत आधी झालेल्या सामन्यात पी व्ही सिंधूने विजयी सलामी दिली. तृतीय मानांकित पी. व्ही. सिंधूने थायलंडच्या नीचाऑन जिंदापॉल हिला २१-१५, १३-२१, २१-१७ असे पराभूत केले. पुरुष एकेरीच्या गटात स्विस आणि हैदराबाद खुल्या बॅडमिंटन स्पर्धांचे विजेतेपद पटकावणाऱ्या समीर वर्मा यानेही विजयी सलामी दिली. त्याने थायलंडच्या सुपान्यू अविहींग्सनॉन याचा पराभव केला. त्याने २१-१७, २१-१४ सरळ गेममध्ये हा सामना खिशात घातला. तर साईप्रणीतला मात्र खोसीतविरुद्ध हार पत्करावी लागली. तो २१-१६, ११-२१, १५-२१ असा पराभूत झाला.

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
asim sarode on rahul narvekar (1)
“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य
उपमुख्यमंत्र्यांच्या पत्नीने कोणते कपडे घालावेत, हे ठरवणारे तुम्ही कोण?

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Saina nehwal looses in hong kong open badminton tournament opener

संबंधित बातम्या

तुम्ही या बातम्या वाचल्या आहेत का? ×