News Flash

‘स्वस्त’ स्मार्टफोनचा पहिला ‘सेल’, थोड्याच वेळात झाला ‘आउट ऑफ स्टॉक’

किंमत १० हजारांहून कमी....

बजेट स्मार्टफोन बनवणारी कंपनी इन्फिनिक्सने (Infinix)काही दिवसांपूर्वी भारतात आपले दोन स्वस्त स्मार्टफोन Infinix hot 9 आणि Infinix Hot 9 Pro लाँच केले. यापैकी Infinix hot 9 या स्मार्टफोनच्या विक्रीसाठी आज (दि.8) भारतात पहिल्यांदाच सेलचं आयोजन करण्यात आलं. फ्लिपकार्टवर दुपारी 12 वाजेपासून या फोनच्या सेलला सुरूवात झाली. पण थोड्याच वेळात फ्लिपकार्टवर हा फोन ‘आउट ऑफ स्टॉक’ झाल्याचं समजतंय. कंपनीकडून याबाबत अधिकृत माहिती देण्यात आलेली नाही, पण फ्लिपकार्टवर फोन ‘आउट ऑफ स्टॉक’ झाल्याचं दाखवत आहे.

Infinix Hot 9 चे फीचर्स :-
इन्फिनिक्स हॉट 9 (infinix hot 9) हा फोन म्हणजे गेल्या वर्षी आलेल्या इन्फिनिक्स हॉट 8 या स्मार्टफोनची पुढील आवृत्ती आहे. कमी किंमतीत ‘क्वाड रिअर कॅमेरा’ सेटअप आणि दमदार बॅटरी ही फोनची खासियत आहे. फोनच्या मागील बाजूला 13 मेगापिक्सलच्या मुख्य कॅमेऱ्यासह चार कॅमेऱ्यांचा सेटअप आहे. तर 8MP च्या सेल्फी कॅमेऱ्यासह एकूण पाच कॅमेरे या फोनमध्ये आहेत. पंच होल डिस्प्ले असलेल्या या फोनची डिझाइनही एखाद्या महागड्या फोनप्रमाणे आहे.या फोनमध्ये 6.6 इंचाचा एचडी प्लस डिस्प्ले असून मीडियाटेक हीलियो पी22 प्रोसेसर देण्यात आले आहे. स्मार्टफोनमध्ये 4 जीबी रॅम व 64 जीबी स्टोरेज आहे. माइक्रोएसडी कार्डद्वारे स्टोरेज 256 जीबीपर्यंत वाढवता येणं शक्य आहे. फिंगरप्रिंट सेंसर हे फीचर असलेल्या या फोनमध्ये ड्युअल सिम कार्ड सपोर्ट असून हा फोन अँड्रॉइड 10 वर कार्यरत आहे. स्मार्टफोनमध्ये 5000mAh क्षमतेची दमदार बॅटरीही देण्यात आली आहे. तर, कनेक्टिव्हिटीसाठी यामध्ये 4जी व्हीओएलटीई, वाय-फाय, ब्लूटूथ 5, जीपीएस/ए-जीपीएस आहे.

किंमत :-
इन्फिनिक्स हॉट 9 च्या 4 जीबी रॅम व 64 जीबी स्टोरेज व्हेरिअंटची किंमत कंपनीने 8,499 रुपये ठेवली आहे. १५ जून रोजी हा फोन सेलमध्ये पुन्हा उपलब्ध होण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 8, 2020 2:37 pm

Web Title: infinix hot 9 first sale india get price specifications and all other details sas 89
Next Stories
1 लॉकडाउनमध्ये घरबसल्या शिकू शकता ‘हे’ ऑनलाइन कोर्सेस
2 OnePlus 8 खरेदी करण्याची पुन्हा संधी, ‘सेल’मध्ये मिळतायेत अनेक शानदार ऑफर
3 कमी किंमतीत दमदार फीचर्स; ‘बजेट’ स्मार्टफोनचा आज ‘सेल’
Just Now!
X