दुपारी जेवल्यानंतर एक डुलकी घेणं आरोग्यासाठी चांगलं की वाईट? वामकुक्षीबाबत तज्ज्ञांनी दिलेला सल्ला एकदा वाचाच!

दुपारी झोपणे योग्य की अयोग्य?

अनेक अभ्यासांनुसार, दुपारी झोप घेणे तुमच्या मेंदूसाठी चांगलं असू शकते. परंतु कालावधी महत्त्वाचा आहे. जर्नल ऑफ द अमेरिकन जेरियाट्रिक्स सोसायटीमध्ये प्रकाशित झालेल्या एका अभ्यासात असे दिसून आले आहे की, वृद्ध प्रौढांसाठी ३० ते ९० मिनिटांची झोप मेंदूला फायदेशीर असल्याचे दिसून येते, परंतु एका तासापेक्षा जास्त वेळ झोपल्याने आकलनशक्तीत समस्या निर्माण होऊ शकतात.

दुपारी झोपेचे काही फायदे

• आराम आणि मनःस्थिती सुधारते
• थकवा, चिंता आणि ताण कमी होतो
• कार्यक्षमता आणि स्मरणशक्ती वाढवते

तथापि, दुपारी झोपण्याचे अनेक फायदे असले तरीही याचे काही तोटेही आहेत. दुपारी झोपल्यामुळे आपल्याला कफ, शिंका येणे आणि अंगात आळस भरणे अशा समस्या निर्माण होतात. म्हणून दुपारी झोपणे शक्यतो टाळावे असे आयुर्वेदात आवर्जून सांगितले जाते. एखादी व्यक्ती दुपारी ६० मिनिटांपेक्षा जास्त आणि दोन तासापर्यंत झोपून राहत असेल, तर त्याच्या रात्रीच्या झोपेत दोष असतात. एक तर ती गरजेपेक्षा कमी काळ असते किंवा त्या व्यक्तीला झोपेसंदर्भात काही आजार असू शकतात.

काय सांगतात तज्ज्ञ?

दिवसा झोपल्याने आणि रात्री जागरण केल्याने रक्तदाब, हृदयविकार आणि मधुमेहाचा धोका वाढू शकतो. तथापि, तज्ज्ञ चेतावणी देतात की, दिवसभरात जास्त वेळ झोपल्याने गंभीर आरोग्य समस्या उद्भवू शकतात. डॉ. कुलकर्णी यांनी स्पष्ट केले, “झोप घेण्याचा सर्वोत्तम मार्ग म्हणजे १५ ते २० मिनिटे ठेवावी आणि ती दुपारी घ्यावी कारण जर संध्याकाळी डुलकी घेतली तर तुमच्या रात्रीच्या झोपेच्या चक्रावर परिणाम करू शकते.” अधिक वारंवार डुलकी घेतल्याने हानिकारक आणि दीर्घकालीन आरोग्यावर परिणाम होऊ शकतात. पण पण तुम्ही खूपच थकलेले असाल तर अर्धा ते एक तास झोप घ्यायला हरकत नाही, असे त्यांनी स्पष्ट केले. 

जेवल्यानंतर लगेच झोपल्याने लठ्ठपणा, मधुमेह, कोलेस्ट्रॉल आणि पचन आणि जीवनशैलीशी संबंधित इतर अनेक समस्या उद्भवू शकतात. त्यामुळे असे करणे टाळावे. दुपारी थोडा वेळ झोप घेतली जाऊ शकते. हे लहान मुलांसाठी, वृद्धांसाठी आणि भरपूर काम करणाऱ्या लोकांसाठी योग्य आहे.