14 August 2020

News Flash

कोल्हापूर : करोना प्रादुर्भावाच्या पार्श्वभूमीवर जिल्ह्यातील मंत्र्यांनी घेतली आढावा बैठक

मास्क न बांधता फिरणाऱ्या व्यक्तींवर कठोर कारवाई करण्याचे निर्देश

मागील २४ तासात करोनामुळे तीन मृत्यू झाल्यानंतर कोल्हापूर  जिल्ह्यातील दोन्ही मंत्र्यांनी शनिवारी तातडीने आढावा बैठक घेतली. रूग्णसंख्या वाढत असलेल्या गावाने कडक टाळेबंदी करण्याची सूचना ग्रामविकासमंत्री हसन मुश्रीफ यांनी केली. तर, पालकमंत्री सतेज पाटील यांनी करोनाचा समूह संसर्ग थांबविण्यासाठी प्रयत्न करण्याच्या सूचना दिल्या.

कोल्हापूर जिल्ह्यातील करोना रुग्णसंख्येने हजाराचा आकडा पार केला आहे. गेल्या २४ तासात तीन करोनाबाधित रुग्ण दगावले. यामुळे करोना संसर्ग फैलावत असल्याने मुश्रीफ व पाटील या दोन्ही मंत्र्यांनी जिल्हाधिकारी कार्यालयात आज तातडीने बैठक घेऊन करोना स्थितीचा आढावा घेतला.

१५ ऑगस्टपर्यंत गंभीर स्थिती

दिवसेंदिवस रूग्ण संख्या वाढत आहे. १५ ऑगस्टपर्यंत परिस्थिती अशी राहील. रॅपीड ॲन्टीजेन तपासणीला सुरूवात करावी. मास्क न बांधता फिरणाऱ्या व्यक्तींवर कठोर कारवाई करा, असे निर्देश मुश्रीफ यांनी दिले. व्यक्ती करोनाबाधित असल्याचे दिसताच संबंधितावर उपचार सुरू करावेत. त्यासाठी सर्वेक्षण माहितीचा नियोजनासाठी वापर करा, अशी सूचना पाटील यांनी केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2020 10:56 pm

Web Title: kolhapur a review meeting was held by the district ministers on the background of corona outbreak msr 87
टॅग Coronavirus
Next Stories
1 उस्मानाबाद : सहा कैद्यांसह १९ जण करोना पॉझिटिव्ह
2 सोलापुरात १७ ते २६ जुलैपर्यंत संपूर्ण संचारबंदी
3 चिंताजनक, रायगडमधील करोनाबाधितांनी ओलांडला सात हजाराचा टप्पा   
Just Now!
X