Maharashtra Political News Updates: राष्ट्रवादी काँग्रेस पक्षातील आमदार पात्र की अपात्र, यासंदर्भात विधानसभा अध्यक्ष राहुल नार्वेकर यांच्यासमोर सुनावणी चालू आहे. त्याचा निकाल प्रलंबित असतानाच निवडणूक आयोगाने पक्ष व चिन्ह कुणाचं यावर निकाल दिला आहे. राष्ट्रवादी काँग्रेस पक्षनाव व चिन्ह अजित पवार गटाला देण्याचा निर्णय आयोगानं जाहीर केला आहे. या पार्श्वभूमीवर महाराष्ट्राच्या राजकीय वर्तुळात राजकीय आरोप-प्रत्यारोपांना उधाण आलं आहे.

uddhav thackeray amit shah latest news
Maharashtra News : “अमित शाहांना एवढंच सांगायचंय की तुमच्या पुत्रप्रेमामुळे भारत…”, उद्धव ठाकरेंचा ‘त्या’ विधानावरून टोला!
What DCM Devendra Fadnavis Said About Nana Patole?
नाना पटोलेंच्या कार अपघातावर देवेंद्र फडणवीसांची पहिली प्रतिक्रिया, “महाराष्ट्राच्या राजकारणात…”
supriya sule water shortage in maharashtra
“ट्रिपल इंजिनचे खोके सरकार असंवेदनशील, त्यांना…”; राज्यातील पाणी टंचाईवरून सुप्रिया सुळेंची शिंदे सरकारवर टीका!
What Aditya Thackeray Said?
“४० गद्दारांनी आता विचार करावा..”, आदित्य ठाकरेंचं महत्त्वाचं वक्तव्य
Live Updates

Maharashtra News Today 07 February 2024: राष्ट्रवादी काँग्रेस पक्षाबाबत निवडणूक आयोगाचा निकाल, राजकीय वर्तुळात आरोप-प्रत्यारोपांना सुरुवात!

18:48 (IST) 7 Feb 2024
Maharashtra News Live: मनसे नेत्यांशी बैठकीवर फडणवीस म्हणाले...

येत्या निवडणुकांसाठी भाजपा नेत्यांच्या मनसे नेत्यांशी काही बैठका झाल्याची चर्चा राजकीय वर्तुळात रंगू लागली होती. यावरून तर्क-वितर्क सुरू असतानाच उपमुख्यमंत्री देवेंद्र फडणवीसांनी त्यावर प्रतिक्रिया दिली आहे. माध्यमांनी त्यांना यासंदर्भात विचारणा केली असता "ती तर नियमित बैठक होत असते", अशी सूचक प्रतिक्रिया देवेंद्र फडणवीसांनी दिली.

18:42 (IST) 7 Feb 2024
तपास यंत्रणा वापरून महाराष्ट्र अस्थिर करण्याचा प्रयत्न होतोय-राष्ट्रवादी प्रदेशाध्यक्ष जयंत पाटील यांचा आरोप

महाराष्ट्रात सरकारी यंत्रणा वापरून रोज नवनवे प्रश्न करून अन्याय-अत्याचाराच्या गोष्टी घडत आहेत. त्यातून महाराष्ट्र समाजिक आणि आर्थिकदृष्ट्या अस्थिर करण्याचा प्रयत्न होत असल्याचा आरोप राष्ट्रवादी शरद पवार गटाचे प्रदेशाध्यक्ष जयंत पाटील यांनी केला आहे.

सविस्तर वाचा…

18:07 (IST) 7 Feb 2024
अजितदादा गटाचा कोल्हापुरात जल्लोष

कोल्हापूर : निवडणूक आयोगाने राष्ट्रवादी काँग्रेस पक्ष आणि चिन्ह अजित पवार यांच्या कडे असल्याचा निकाल दिल्यानंतर बुधवारी येथे अजितदादानिष्ठ कार्यकर्त्यांनी जल्लोष केला. नागरिकांना पेढे वाटून आनंद व्यक्त करण्यात आला.

राष्ट्रवादी काँग्रेसमध्ये फूट पडल्यानंतर पक्षावर हक्क कोणाचा याबाबत निवडणूक आयोगाकडे दावे दाखल करण्यात आले होते.आयोगाने अजित पवार यांना राष्ट्रवादी काँग्रेस पक्ष व चिन्ह बहाल केले आहे. तर शरद पवार यांच्या गटाला पक्ष आणि चिन्हाची माहिती देण्याची सूचना केली आहे.

या निकालानंतर आज अजित पवार गटाच्या राष्ट्रवादीच्या कार्यकर्त्यांनी जल्लोष व्यक्त केला. छत्रपती शिवाजी महाराज चौकात जमलेल्या कार्यकर्त्यांनी अजितदादांच्या विजयाच्या घोषणा दिल्या. लोकांना , एकमेकांना पेढे भरवण्यात आले. यावेळी आदिल फरास, मधुकर जांभळे, संतोष धुमाळ, जाहिरा मुजावर यांच्यासह कार्यकर्ते सहभागी झाले होते.

जिल्हाध्यक्ष बाबासाहेब पाटील आसुर्लेकर यांनी अजित पवार यांच्या मागे राज्यातील कार्यकर्ते ठामपणे उभे आहेत. कोल्हापूर जिल्ह्यातील बहुतांशी कार्यकर्ते दादांसोबत कायमच राहिले आहेत. जिल्ह्यामध्ये राष्ट्रवादी काँग्रेस अधिक रुजवण्यासाठी या निकालाचा मदत मोठी मदत होईल. पालकमंत्री हसन मुश्रीफ यांच्या नेतृत्वाखाली आगामी निवडणुकांमध्ये राष्ट्रवादीची ताकद दिसून येईल, असा विश्वास व्यक्त केला.

18:02 (IST) 7 Feb 2024
सोलापूर विद्यापीठात बीएस्सी परीक्षेत ५० गुणांच्या पेपरला ९९ गुण

पुण्यश्लोक अहिल्यादेवी होळकर सोलापूर विद्यापीठाच्या परीक्षा विभागाचा गोंधळी कारभार पुन्हा उजेडात आला आहे. बिएस्सी  द्वितीय वर्षाच्या तृतीय सत्राच्या परीक्षेत ५० गुणांच्या पेपरसाठी चक्क ९९ गुण देण्यात आल्याचे दिसून आले. सविस्तर वाचा…

18:00 (IST) 7 Feb 2024
सांगली: शेतात महिलेचा गर्भपाताचा प्रयत्न, तिघांविरोधात गुन्हा दाखल

दोन मुली झाल्यानंतर गर्भवती महिलेचा शेतातील शेडमध्ये गर्भपात करण्याचा धयकादायक प्रकार आटपाडी तालुक्यात रानवस्तीवरील शेडमध्ये उघडकीस आला. सविस्तर वाचा…

17:57 (IST) 7 Feb 2024
सांगली : आष्ट्यातील डांगे महाविद्यालय इस्रोच्या मदतीने लघु उपग्रह अंतराळात प्रक्षेपित करणार

सांगली : आष्टा येथील अण्णासाहेब डांगे अभियांत्रिकी महाविद्यालयातील प्राध्यापक, विद्यार्थी इस्रोच्या सहकार्याने महाविद्यालयाचा लघु उपग्रह (नॅनो सॅटेलाईट) जून २०२६ पर्यंत अवकाशात प्रक्षेपित करणार असल्याची माहिती इस्त्रोचे उपसंचालक डॉ. वेंकटेश्‍वर शर्मा यांनी मंगळवारी पत्रकार परिषदेत दिली.

सविस्तर वाचा...

17:43 (IST) 7 Feb 2024
Maharashtra Political News Live Update: संजय राऊतांचा मोदींवर हल्लाबोल

हे पंतप्रधानांचं भाषण असायला हवं होतं. पण ते एका भाजपा नेत्याचं भाषण ठरलं. ते एक निवडणूक प्रचारातलं भाषण ठरलं. जर पंतप्रधान संसदेत खोटं बोलू लागले, तर काय होणार? - संजय राऊत</p>

https://twitter.com/ANI/status/1755191540073341051

17:39 (IST) 7 Feb 2024
मानखुर्दमधील नाल्यात तरुणाचा मृतदेह

मुंबई: मानखुर्दमधील एका नाल्यात बुधवारी सकाळी पोलिसांना एका अनोळखी तरूणाचा मृतदेह आढळला. याप्रकरणी मानखुर्द पोलिसांनी गुन्हा दाखल करून तपास सुरू केला आहे.

घाटकोपर - मानखुर्द जोड रस्त्यावरील मानखुर्द मायक्का मंदिराच्या पाठीमागच्या बाजूला असलेल्या नाल्यात नागरिकांना एक मृतदेह तरंगताना दिसला. नागरिकांनी तत्काळ याबाबतची माहिती मानखुर्द पोलिसांना कळवली. मानखुर्द पोलिसांनी घटनास्थळी धाव घेत अग्निशमन दलाच्या मदतीने नाल्यातून मृतदेह बाहेर काढला. २५ ते ३० वयोगटातील पुरुषाचा हा मृतदेह असून पोलिसांनी पंचनामा करून तो शवविच्छेदनासाठी राजावाडी रुग्णालयात पाठवला.

तरुणाच्या अंगावर काही जखमा असल्याने आज्ञात इसमाने त्याची हत्या केल्याचा पोलिसांना संशय आहे. याप्रकरणी पोलिसांनी गुन्हा दाखल करून तपास सुरू केला. दरम्यान, मृतदेहाची ओळख पटवण्याचे काम सुरू असल्याची माहिती पोलीस अधिकाऱ्यांनी दिली.

17:38 (IST) 7 Feb 2024
गायिका मुग्धा वैशंपायनला मुंबई विद्यापीठाचे सुवर्ण पदक

मुंबई : सारेगमप लिटल चॅम्प्समधून आर्या आंबेकर, रोहित राऊत, प्रथमेश लघाटे, कार्तिकी गायकवाड आणि मुग्धा वैशंपायन हे टॉप ५ स्पर्धक महाराष्ट्रातील घराघरांत पोहोचले. सध्या हे पाचही जण संगीत क्षेत्रासह वैयक्तिक आयुष्यातही यशस्वी झेप घेत आहेत. विविध ठिकाणी गायन कला सादर करीत असताना मुग्धा वैशंपायन हिने स्वतःच्या शिक्षणाकडे दुर्लक्ष न करता भारतीय शास्त्रीय संगीताच्या पदव्युत्तर पदवी अभ्यासक्रमात सर्वाधिक गुण मिळवून मुंबई विद्यापीठाचे सुवर्ण पदक प्राप्त केले आहे.

वाचा सविस्तर...

16:40 (IST) 7 Feb 2024
नागपूर : चक्क बसमध्ये आढळला बॉम्ब…..

ही माहिती कळताच गणेशपेठ पोलिसांचा ताफा आणि बीसीडीएसची टीम घटनास्थळी दाखल झाली. याशिवाय दहशतवादी विरोधी पथकही दाखल झाले.

सविस्तर वाचा...

16:38 (IST) 7 Feb 2024
महेश गायकवाड गोळीबार प्रकरणातील गणपत गायकवाड यांचा समर्थक विक्की गणात्रा अटकेत, ठाणे गुन्हे शाखेची कारवाई

शिवसेना शहरप्रमुख महेश गायकवाड यांच्यावरील गोळीबार प्रकरणातील आमदार गणपत गायकवाड यांचा समर्थक विक्की गणात्रा यांना मंगळवारी ठाणे गुन्हे शाखेच्या पथकाने सुरूवातीला ताब्यात घेतले. चौकशीनंतर त्यांना अटक केली आहे. सविस्तर वाचा…

16:13 (IST) 7 Feb 2024
पेंच व्याघ्रप्रकल्प ५२ मगरींचे माहेरघर, सॉफ्टशेल कासवांच्या अंड्यांचीही नोंद

नागपूर : ताडोबा-अंधारी व्याघ्रप्रकल्पातच मगर नाहीत, तर पेंच व्याघ्रप्रकल्पातसुद्धा मगर आणि कासवांचा अधिवास आहे. या व्याघ्रप्रकल्पात दुसऱ्यांदा मगर आणि कासव सर्वेक्षण करण्यात आले. यात ५२ मगर तसेच सॉफ्टशेल कासवांच्या अंड्यांची नोंद घेण्यात आली.

सविस्तर वाचा...

16:11 (IST) 7 Feb 2024
मराठा, गोवारी समाजानंतर आता आरक्षणासाठी हलबा समाजाचे नागपुरात शक्तीप्रदर्शन

शासनाने आदिवासी हलबा समाजाच्या समस्या सोडवण्याचे आश्वासन दिले. परंतु पुढे काहीही होत नसल्याने हलबा समाजात प्रचंड असंतोष आहे.

सविस्तर वाचा...

15:58 (IST) 7 Feb 2024
मुंबई : केंद्रीय मार्डच्या संपापासून बीएमसी ‘मार्ड’ दूर

मुंबई : मानधनवाढ, प्रलंबित भत्ते, वसतीगृहांच्या समस्यांबाबत अनेक महिन्यांपासून वारंवार तक्रारी करूनही त्याबाबत राज्य सरकारकडून ठोस तोडगा काढण्यात येत नसल्याने केंद्रीय ‘मार्ड’ने बुधवारी सायंकाळपासून राज्यव्यापी संप पुकारण्याचा इशारा दिला आहे. मात्र मुंबई महानगरपालिकेच्या वैद्यकीय महाविद्यालयातील निवासी डॉक्टरांच्या ‘बीएमसी मार्ड’ने या संपात सहभागी न होण्याचा निर्णय घेतला आहे. त्यामुळे मुंबईतील रुग्णसेवा मोठ्या प्रमाणात बाधित होणार नाही.

वाचा सविस्तर...

15:46 (IST) 7 Feb 2024
दहावी, बारावीच्या परीक्षा बहिष्कारावर शिक्षण संस्था संचालक ठाम, म्हणतात…

राज्य शिक्षण संस्था संचालक महामंडळाने आपल्या प्रलंबित मागण्यांसाठी आंदोलन तीव्र करण्याचा निर्धार केला आहे.

सविस्तर वाचा...

15:41 (IST) 7 Feb 2024
नागपूर: २० पोलीस ठाण्यांना मिळाले प्रभारी अधिकारी; वाहतूक शाखेलाही निरीक्षक रुजू

शहर पोलीस आयुक्त अमितेश कुमार यांनी पदभार सोडल्यानंतर शहरातील २४ पोलीस ठाण्यात ठाणेदारांची नियुक्ती करण्यात आली नव्हती. त्यामुळे पोलीस ठाण्याचा कारभार कनिष्ठ अधिकाऱ्यांकडे सोपविल्याने ठाण्यात मनमानी कारभार सुरु होता. सविस्तर वाचा…

15:37 (IST) 7 Feb 2024
वर्धा : राखीचे जीवन झाले सुखकर, डॉक्टरांनी दिले नवजीवन…

अमरावती जिल्ह्यातील माऊली जहांगीर येथील निवासी राखी रमेश भोने (वय २६) ही दुर्धर आजारामुळे बालपणापासूनच त्रस्त होती.

सविस्तर वाचा...

15:29 (IST) 7 Feb 2024
पुणे : सिंहगड रस्त्यावर धायरी फाटा परिसरात खासगी कार्यालयात आग

पुणे : सिंहगड रस्त्यावरील धायरी फाटा परिसरात एका इमारतीतील कार्यालयात आग लागली. आगीत कार्यालयातील संगणक, विद्युत उपकरणे, तसेच अन्य साहित्य जळाले.

सविस्तर वाचा...

14:51 (IST) 7 Feb 2024
गडचिरोली : ‘मंगला’ला नेण्यासाठी आलेल्यांना परत पाठवले, हत्ती स्थलांतराला गावकऱ्यांचा विरोध

आज सकाळी मंगलाला घेऊन जाण्यासाठी मोठे वाहन परिसरात दाखल होताच गावकऱ्यांनी विरोध सुरू केला. ही बातमी जिल्ह्यात पसरताच पर्यटकांनी देखील संताप व्यक्त केला.

सविस्तर वाचा...

14:51 (IST) 7 Feb 2024
“आमच्यासाठी प्रत्येक मतदार महत्त्वाचा”, उपमुख्यमंत्री देवेंद्र फडणवीस यांचे मत; म्हणाले, “माझा आजचा मुक्काम पारडसिंगाला…”

भारतीय जनता पक्षाच्यावतीने ‘गाव चलो अभियाना’ला सुरुवात करण्यात आल्यानंतर उपमुख्यमंत्री देवेंद्र फड़णवीस काटोल तालुक्यातील पारडसिंगा या गावी पोहोचले आहेत.

सविस्तर वाचा...

14:06 (IST) 7 Feb 2024
पुणे : पोलीस भरतीला आला आणि पाच वर्षांसाठी तुरुंगात गेला

पुणे : पुणे लोहमार्ग पोलीस दलातील भरती प्रक्रियेत राठोड याने बनावट प्रमाणपत्र सादर केले होते. याप्रकरणी खडकी पोलीस ठाण्यात राठोडविरुद्ध गुन्हा दाखल करून त्याला अटक करण्यात आली होती. त्याच्याविरुद्ध न्यायालयात आरोपपत्र दाखल करण्यात आले.

सविस्तर वाचा...

13:48 (IST) 7 Feb 2024
नाशिक : प्रधानमंत्री आवास योजनेचा पाच तालुक्यात संथपणा – मार्चअखेर कामे पूर्ण करण्याची तंबी

प्रधानमंत्री आवास योजनेंतर्गत नांदगाव, मालेगाव, कळवण, बागलाण आणि येवला तालुक्यात लक्ष्यांकानुसार कामे झालेली नसल्याची बाब पालकमंत्री दादा भुसे यांच्या उपस्थितीत झालेल्या बैठकीत उघड झाली. सविस्तर वाचा…

13:46 (IST) 7 Feb 2024
कल्याण-डोंबिवलीत भाजपच्या फलकांवरून यापुढे शिवसेना नेते, पदाधिकारी बाद? भाजप कार्यकर्ते, पदाधिकाऱ्यांचा निर्णय

कल्याण-डोंबिवली परिसरात फलक लावताना यापुढे भाजपच्या फलकांवर शिवसेनेच्या एकाही नेते, पदाधिकाऱ्यांची प्रतीमा न लावण्याचा निर्णय भाजपच्या स्थानिक कार्यकर्ते, पदाधिकाऱ्यांनी घेतला आहे. सविस्तर वाचा…

13:45 (IST) 7 Feb 2024
कल्याण पूर्वेत आमदार गणपत गायकवाड यांच्या निषेधाचे फलक; फलकांमधून महेश गायकवाड यांचे समर्थन

कल्याण पूर्व भागात काही संस्थांनी शिवसेना शहरप्रमुख महेश गायकवाड आणि समर्थक राहुल पाटील यांच्यावर झालेल्या हल्ल्याच्या निषेधाचे फलक लावले आहेत. यामधील काही फलक हेतुपुरस्सर भाजप आमदार गणपत गायकवाड यांच्या कल्याण पूर्वेतील तिसगाव येथील घराच्या समोर लावण्यात आले आहेत. सविस्तर वाचा…

13:44 (IST) 7 Feb 2024
ठाणे: घोडबंदर मार्गावरील उड्डाणपुलांवर अखेर वाहतुक सुरक्षा घटक

घोडबंदर मार्गावरील उड्डाणपुलांच्या निर्माणानंतर मागील अनेक वर्षांपासून येथे कायमस्वरूपी धोका दर्शविणारे घटक नसल्याने अपघातांना निमंत्रण मिळत होते. अखेर उशीराने जाग आलेल्या सार्वजनिक बांधकाम विभागाने धोका दर्शविणारे घटक बसविण्यास सुरूवात केली आहे. सविस्तर वाचा…

13:43 (IST) 7 Feb 2024
भाजपच्या महिला मेळाव्याला गर्दी जमवण्याची जबाबदारी सरकारी यंत्रणेवर?

काटोल पंचायत समितीच्या गटविकास अधिकाऱ्यांनी तालुक्यातील सरपंच, सचिवांना पत्र पाठवून या मेळाव्यासाठी १०० महिलांना पाठवण्याची सूचना दिली आहे.

सविस्तर वाचा...

13:42 (IST) 7 Feb 2024
नाशिक: गायक सुरेश वाडकर यांच्या भूखंड प्रकरणात २० कोटींच्या खंडणीची मागणी – स्वीय सहायकास धमकी

शहरात संगीत महाविद्यालयासाठी प्रसिध्द गायक सुरेश वाडकर यांनी खरेदी केलेल्या भूखंड प्रकरणाला वेगळीच कलाटणी मिळाली आहे. वाडकर यांच्या स्वीय सहायकास संबंधित जागेवर जाण्यापासून अडवित दोन संशयितांनी दरगोडे बंधूंसाठी १५ तर, टोळीसाठी पाच अशी सुमारे २० कोटींच्या खंडणीची मागणी केली. सविस्तर वाचा…

13:25 (IST) 7 Feb 2024
VIDEO : थंड वाऱ्याची झुळूक आणि ताडोबात वाघांची मस्ती

ताडोबाच्या निमढेला बफर क्षेत्रात “भानुसखिंडी” वाघिणीची मुलगी “नयनतारा” आणि “डेडली बॉईज” हे सूर्य मावळतीला आला असतांना मस्ती करताना आढळून आले.

सविस्तर वाचा...

13:02 (IST) 7 Feb 2024
पिंपरी : मोबाईल दिला नाही म्हणून घरात घुसून मैत्रिणीवर कोयत्याने वार

पिंपरी : मोबाईल दिला नाही म्हणून मित्रानेच घरात घूसुन मैत्रिणीवर कोयत्याने वार केल्याची घटना काळेवाडी येथे सोमवारी दुपारी घडली. अविनाश शिवाजी लोखंडे (वय ३०, रा. गुळवे वस्ती, भोसरी) याच्यावर गुन्हा दाखल केला आहे.

सविस्तर वाचा...

12:46 (IST) 7 Feb 2024
Maharashtra News Live: जयंत पाटलांनी पक्षचिन्हाबाबत मांडली भूमिका

राज्यसभेच्या निवडणुका होणार आहेत, त्याआधी तुम्ही १०-१२ लोक कोणत्या नावाने काम करणार आहात, यासाठी पक्षाचं नाव द्यायचं आहे. कदाचित ते नाव पुढेही वापरलं जाईल. त्या नावानिशी घराघरांत पोहोचण्याचं काम करायला हवं. नवीन चिन्हही घराघरांत पोहोचवायला हवं. १९९९ साली घड्याळ चिन्ह घेतलं तेव्हा मला भीती वाटायची की घड्याळ लोकांपर्यंत पोहोचेल का? ते नवीन होतं. त्यामुळे तेव्हा घड्याळाचे प्लॅस्टिकचे बिल्ले छापून मी लहान मुलांकडे देऊन त्याचं वाटप करायचो. पण लोक आपल्यापेक्षा फार पुढे आहे. लोक चिन्ह ओळखतातच, पण नाव कुणाचं हेही ओळखतात. त्यामुळे आता चिन्हाची भीती बाळगू नका.

- जयंत पाटील, शरद पवार गटाचे आमदार

12:35 (IST) 7 Feb 2024
सोयाबीनची उत्पादकता अधिक, नाफेडकडून खरेदी मात्र मर्यादित; शेतकऱ्यांच्या अडचणीत भर

नैसर्गिक आपत्तीमुळे जिल्ह्यात पिकांची परिस्थिती चांगली नाही. अवकाळी, अतिवृष्टी व पावसाच्या खंडाचा पिकांवर दुष्परिणाम झाला. या संकटाला तोंड देत शेतकऱ्यांनी उत्पादन घेतले.

सविस्तर वाचा...

12:26 (IST) 7 Feb 2024
नागपूर : दोन कोटींच्या गांजासह तस्कराला अटक

ओडिशा आणि आंध्र प्रदेशात गांजाची मोठ्या प्रमाणावर शेती केली जाते. याच राज्यांतून देशभरात गांजाचा पुरवठा केला जातो.

सविस्तर वाचा...

12:17 (IST) 7 Feb 2024
विस्तारित तळोजा औद्योगिक वसाहतीच्या सुविधांसाठी ४८३ कोटी

पनवेल : तळोजा औद्योगिक वसाहतीचा विस्तार चिंध्रण, म्हाळुंगी आणि कानपोली या गावांच्या जमिनींवर केला जाणार असून मागील दोन वर्षांपूर्वी राज्य सरकारने या नव्या औद्योगिक वसाहतीसाठी भूसंपादन केले. त्यानंतर या औद्योगिक वसाहतीचे काम कधी सुरू होणार याकडे उद्योजकांचे लक्ष लागले होते. जानेवारीत याबाबतची निविदा महाराष्ट्र औद्योगिक विकास महामंडळाने (एमआयडीसी) प्रसिद्ध केली होती.

वाचा सविस्तर...

12:16 (IST) 7 Feb 2024
ज्येष्ठ वृत्तपत्र विक्रेते पुरुषोत्तम खरे यांचे निधन

पनवेल : पनवेल शहरामधील ज्येष्ठ वृत्तपत्र विक्रेते पुरूषोत्तम नारायण खरे यांचे शनिवारी (ता.३ फेब्रुवारी) अल्पशा आजाराने निधन झाले. खरे यांचे वय ८४ वर्षे होते. १९६० च्या दशकात सुरू केलेला वृत्तपत्र विक्रीचा व्यवसाय पुढील चार दशकांहून अधिक काळ त्यांनी सचोटीने केला. त्यांच्या स्वतःच्या वर्तमानपत्राच्या दुकानात "self service" चा अनोखा प्रयोग त्यांनी १९७० च्या दशकात राबवला होता. त्यांच्या उमेदीच्या काळात त्यांनी अनेक सामाजिक आणि खाजगी संस्थांच्या पदावर काम केले.

पनवेलमधील एका प्रतिष्ठीत देवस्थानचे विश्वस्तपद , पनवेल को ऑप अर्बन बँकेचे संचालकपद , पनवेल तालुका वृत्तपत्र संघटना , कोकण वृत्तपत्र विक्रेता संघटना, पनवेल नगरपालिका शिवजयंती उत्सव समितीचे सदस्य अशा माध्यमातून ते सामाजिक कार्याशी जोडले गेले होते. त्यांच्या मागे दोन मुलगे, एक मुलगी, सुना, जावई, नातवंडे असा परिवार आहे.

12:12 (IST) 7 Feb 2024
पुणे : शरद मोहोळ खून प्रकरणातील सहा रेकॉर्डिंग क्लिप पोलिसांच्या हाती…’हा’ गुंड झाला गजाआड

पुणे : गुंड शरद मोहोळ खून प्रकरणातील आरोपींच्या मोबाइलमध्ये १९ हजार ८२७ ध्वनिमुद्रित फिती (रेकॉर्डिंग) आढळून आल्या आहेत. त्यांपैकी १० हजार ध्वनिमुद्रित फितीचे विश्लेषण करण्यात आले आहे. त्यांपैकी सहा ध्वनिमुद्रित फिती मोहोळ खून प्रकरणाशी संबंधित आहेत.

सविस्तर वाचा...

12:04 (IST) 7 Feb 2024
पिंपरी : राष्ट्रीय स्वयंसेवक संघाच्या कार्यकारी मंडळाचे सदस्य भैयाजी जोशी म्हणाले, ‘आता काशी, मथुरेतही…’

पिंपरी : देश बदलतोय, त्याची अनुभूती येत आहे. जय श्रीरामचा नारा दिला जातोय. श्रीरामलल्लाच्या प्राणप्रतिष्ठेनिमित्त २२ जानेवारीपासून देशभरात भक्तीची लाट आली आहे, ती यापुढेही कायम राहावी. आता काशी, मथुरेतही…

सविस्तर वाचा...

12:01 (IST) 7 Feb 2024
नागपूर : पगार रखडल्याने पोलीस कर्मचारी उसनवारीवर

सध्या दहावी-बारावीच्या मुलांच्या परीक्षा तोंडावर आल्या असून मुलांना शैक्षणिक खर्च जास्त असतो. मात्र, पोलीस कर्मचारी सध्या हतबल असून एकमेकांना मदत करीत वेळ निभावून नेत आहेत.

सविस्तर वाचा...

11:47 (IST) 7 Feb 2024
नागपुरात विधवा महिलेवर टॅक्सी चालकाचा बलात्कार

सहा वर्षांपूर्वी महिलेच्या पतीचे निधन झाले. महिला खासगी संस्थेत काम करून स्वत:चा आणि दोन मुलांचा उदरनिर्वाह करते.

सविस्तर वाचा...

11:46 (IST) 7 Feb 2024
नांदेड : महाप्रसादातून दोन हजार जणांना विषबाधा; रुग्णालयात उपचार सुरू

परिस्थिती चिघळत असल्याचे पाहून पोलीस निरीक्षक ओमकांत चिंचोलकर यांनी शहरातील सर्व खासगी रुग्णालये व उपजिल्हा रुग्णालयातील आरोग्य यंत्रणांना सतर्क केले.

सविस्तर वाचा...

11:33 (IST) 7 Feb 2024
धावत्या उरण-नेरुळ लोकलमध्ये महिलेची प्रसूती

उरण : मंगळवारी सकाळी ७.५० च्या उरण – नेरुळ लोकलने प्रवास करणाऱ्या उरणमधील एका महिलेची चालत्या लोकल मध्येच प्रसूती झाली आहे. यात या महिलेला मुलगी झाली आहे. यावेळी जनरल बोगीतील महिला आणि मुलींनी मदतीचा हात पुढे करीत प्रसूत झालेल्या महिलेला मदत केली.

वाचा सविस्तर...

11:33 (IST) 7 Feb 2024
केंद्रप्रमुखांच्या जागा मोठ्या प्रमाणात रिक्त…. शाळा तपासणी कशी ठरणार ‘असर’दार?

पुणे : असरच्या नुकत्याच प्रसिद्ध झालेल्या अहवालात राज्याची कामगिरी खालावल्याचा ‘असर’ शिक्षण विभागावर झाला. त्यामुळे राज्यातील शाळांची गुणवत्ता तपासण्याची जबाबदारी केंद्रप्रमुखांवर देण्यात आली आहे.

सविस्तर वाचा...

11:31 (IST) 7 Feb 2024
पवना नदीवरील समांतर पुलाचे काम संथगतीने; महापालिकेने ठेकेदाराबाबत घेतला ‘हा’ निर्णय

पिंपरी : पिंपरी व पिंपळे सौदागर या गावांना जोडणाऱ्या पवना नदीवरील समांतर पुलाचे काम अतिशय संथगतीने सुरू आहे. पुलाच्या कामाची मुदत संपून वर्ष उलटल्यानंतरही काम अपूर्णच आहे. महापालिकेने ठेकेदाराबाबत घेतला ‘हा’ निर्णय

सविस्तर वाचा...

11:12 (IST) 7 Feb 2024
खळबळजनक! दुचाकीला कट लागल्याच्या कारणावरून तरुणाची गोळ्या झाडून हत्या

संतप्त नागरिकांनी आरोपीची दुचाकी पेटवून दिली. शहरात अनुचित प्रकार घडू नये म्हणून दंगल नियंत्रण सुरक्षा पथकाला पाचारण करण्यात आले होते.

सविस्तर वाचा...

11:07 (IST) 7 Feb 2024
मुंबई : गुंतवणुकीवर चांगला नफा देण्याचे आमिष दाखवून फसवणूक

मुंबई : गुंतवणुकीवर चांगला नफा देण्याचे आमिष दाखवून करीरोड येथील ७२ वर्षांच्या वृद्धासह त्यांच्या नातेवाईकांची ९० लाखांना फसवणूक करण्यात आल्याची तक्रार माता रमाबाई आंबेडकर (एमआरए) मार्ग पोलिसांना प्राप्त झाली आहे. याप्रकरणी पोलिसांनी कंपनीच्या दोन भागिदारांविरोधात गुन्हा दाखल करण्यात आला आहे.

वाचा सविस्तर...

10:55 (IST) 7 Feb 2024
अमरावती : स्‍पर्धा परीक्षेतील अपयश; महिलेची आत्‍महत्‍या

स्‍पर्धा परीक्षेत सतत अपयश येत असल्‍याने नैराश्‍यातून ३० वर्षीय महिलेने गळफास घेऊन आत्‍महत्‍या केल्‍याची घटना अंजनगाव सुर्जी येथे उघडकीस आली आहे.

सविस्तर वाचा...

10:49 (IST) 7 Feb 2024
वसई : बनायला गेला पोलीस, पण बनला चोर

दुचाकीवरून जाणार्‍या एका महिलेच्या गळ्यातील सोन्याचे मंगळसूत्र चोरण्यात आले होते. विशेष म्हणजे दुचाकीवरून आलेल्या इसमानेच धावत्या दुचाकीवरून ही चोरी केली होती.

सविस्तर वाचा...

10:48 (IST) 7 Feb 2024
Maharashtra News Live: ३ वाजेपर्यंत शरद पवार गटाकडून पक्षनाव सुचवलं जाणार

अजित पवार गटाला राष्ट्रवादी काँग्रेस पक्ष हे नाव व घड्याळ हे पक्षचिन्ह दिल्यानंतर शरद पवार गटाला नवीन नाव सुचवण्याची एक संधी निवडणूक आयोगाकडून देण्यात आली आहे. आज दुपारपर्यंत शरद पवार गटाकडून पक्षासाठी तीन नावं निवडणूक आयोगाला सुचवली जाणार आहेत.

10:17 (IST) 7 Feb 2024
Maharashtra Political News Live Update: काका - पुतण्यांमधला ओलावा - मनसेनं शेअर केला राज ठाकरेंचा व्हिडीओ

राज ठाकरेंनी शिवसेनेतून बाहेर पडण्याचा निर्णय घेतला तेव्हा काय घडलं होतं? बाळासाहेब ठाकरे काय म्हणाले होते? मनसेनं राज ठाकरेंचाच जुना व्हिडीओ केला शेअर!

https://twitter.com/mnsadhikrut/status/1755088496484614359

10:15 (IST) 7 Feb 2024
Maharashtra Political News Live Update: जखमी वाघ अधिक धोकादायक असतो...! - रोहित पवारांनी शेअर केला 'तो' फोटो!

जखमी वाघ अधिक धोकादायक असतो...! - रोहित पवार

https://twitter.com/RRPSpeaks/status/1755063146623160818

10:09 (IST) 7 Feb 2024
Maharashtra News Live: रोहित पवारांनी राष्ट्रवादीची तुलना केली महाभारताशी!

महाभारतात घडलेल्या प्रसंगाप्रमाणेच आज राष्ट्रवादी काँग्रेसची स्थिती आहे. कुरुक्षेत्रावरील लढाईपूर्वी दुर्योधन आणि अर्जुन भगवान श्रीकृष्णाला भेटण्यासाठी गेले त्यावेळी भगवान श्रीकृष्ण झोपले असल्याने त्यांची झोप होईपर्यंत वाट पाहण्याशिवाय या दोघांकडे पर्याय नव्हता. दुर्योधनाच्या मनात खच्चून अहंकार भरलेला असल्याने तो भगवान श्रीकृष्णाच्या पायाजवळ न बसता उशाजवळ बसला पण अंगी कमालीची नम्रता असल्याने अर्जुन भगवान श्रीकृष्णाच्या पायाशी बसला… भगवान श्रीकृष्णाने झोपेतून डोळे उघडताच त्याला प्रथम पायाशी बसलेला अर्जुन दिसला आणि त्याला विचारलं तुला काय पाहीजे? तेंव्हा अर्जुनाने सांगितलं तुमचं मार्गदर्शन आणि भगवान श्रीकृष्णाने त्याला होकार दिला. नंतर श्रीकृष्णाची नजर उशाशी बसलेल्या दुर्योधनाकडे गेली असता त्यालाही विचारलं तुला काय हवंय? यावेळी अहंकाराने मदमस्त झालेल्या दुर्योधनाने विचार केला एकट्या श्रीकृष्णाला आपल्या सोबत घेण्याऐवजी त्याची विराट नारायणी सेना घेतलेली कधीही फायदेशीर ठरेल. म्हणून स्वार्थी विचाराच्या दुर्योधनाने भगवान श्रीकृष्णाकडे त्यांची नारायणी सेना मागितली आणि भगवान श्रीकृष्णानेही ती दिली. अखेर एका बाजूला भगवान श्रीकृष्णाचं मार्गदर्शन लाभलेला अर्जुन तर दुसऱ्या बाजूला विराट नारायणी सेना सोबत असलेला दुर्योधन यांच्यात कुरुक्षेत्रावर झालेल्या तुंबळ युद्धात विजय हा अर्जुनाचाच झाला… कारण त्याच्या बाजूने साक्षात भगवान श्रीकृष्ण होते…. राष्ट्रवादी काँग्रेसच्या बाबतीतही आज हेच घडतंय.. ‘महाशक्ती’च्या माध्यमातून नारायणी सेना त्यांच्या बाजूने असली तरी श्रीकृष्णाने जसं अर्जुनाला मार्गदर्शन केलं त्याप्रमाणे आदरणीय पवार साहेब हे आमच्यासोबत आहेत आणि त्यांच्या मार्गदर्शनाखाली आम्ही राजकीय कुरुक्षेत्रावर महाराष्ट्राच्या स्वाभिमानासाठी आणि अहंकाराला गाडण्यासाठी लढतोय आणि शेवटी विजय आमचाच होणार! - रोहित पवार

https://twitter.com/RRPSpeaks/status/1755085680001048698

Sharad Pawar Ajit Pawar

अजित पवारांनी शरद पवारांना अनेकदा अप्रत्यक्षपणे निवृत्तीचा सल्ला दिला आहे.

Maharashtra News Today 07 February 2024: महाराष्ट्रातील सर्व महत्त्वाच्या घडामोडी एका क्लिकवर!