Marathi Breaking News Live Updates, 16 October 2025: येत्या काही दिवसांत राज्यात स्थानिक स्वराज्य संस्थांच्या निवडणुका जाहीर होण्याची शक्यता आहे. अशात राज्यातील सर्वच राजकीय पक्षांनी या निवडणुकांसाठी जोरदार तयारी सुरू केली आहे. महायुती आणि महाविकास आघाडीतील घटक पक्षांमध्येही महत्त्वाची पदे आणि अधिक जागा मिळवण्यासाठी आतापासूनच रस्सीखेच सुरू झाली आहे.
याचबरोबर दिवाळीच्या पार्श्वभूमीवर राज्यातील विविध शहरांमध्ये खरेदीची लगबग पाहायला मिळत आहे. यासह राज्यातील विविध क्षेत्रांतील घडामोडींचा लाईव्ह ब्लॉगच्या माध्यमातून आढावा घेऊया.
Maharashtra Marathi News Live Updates | महाराष्ट्र न्यूज लाईव्ह अपडेट्स
"राष्ट्रीय स्वयंसेवक संघ आणि भाजपाच्या...", मुंबई महापालिका निवडणुकीबाबत शिंदे गटाच्या मंत्र्याचं विधान चर्चेत
शिवसेनेचे (एकनाथ शिंदे गट) मंत्री उदय सामंत यांनी पत्रकारांशी बोलताना मुंबई महानगरपालिका निवडणुकीबाबत प्रतिक्रिया दिली आहे. ते म्हणाले, "राष्ट्रीय स्वयंसेवक संघ आणि भाजपाच्या मीटिंगमध्ये काय ठरले, हे मला माहिती नाही. पण महायुतीमध्ये आम्ही भाजपासोबत आहोत. महायुतीतील ज्येष्ठ नेते अजेंडा ठरवून त्यावर चर्चा करतील."
Prashant Hiray : प्रशांत हिरे कुटुंबियांचा पाय आणखी खोलात; बँक घोटाळ्याप्रकरणी नवा गुन्हा दाखल
दिवाळीत फराळावर ताव, वडा-पाव मागणीत ३५ ते ४० टक्क्यांनी घट
महिलावर्ग पाठदुखीने त्रस्त… वेळीच करून घ्या या चाचण्या
Tejas mk1A maiden flight : नाशिकमध्ये ९०० लढाऊ विमानांची निर्मिती… आता ‘तेजस एमके - १ ए’ - एचएएल नाशिकची जागतिक स्तरावर नाममुद्रा
निर्मितीचे डोहाळे
"पंतप्रधान मोदी ट्रम्प यांच्या दबावाखाली काम करत आहेत", ठाकरे गटाचा आरोप
पंतप्रधान नरेंद्र मोदी यांनी रशियन तेल खरेदी थांबण्याचा शब्द दिल्याचा दावा अमेरिकेचे राष्ट्राध्यक्ष डोनाल्ड ट्रम्प यांनी केला आहे. यावर प्रतिक्रिया देताना शिवसेनेचे (उद्धव ठाकरे) राज्यसभा खासदार संजय राऊत म्हणाले की, "पंतप्रधान मोदी ट्रम्प यांच्या दबावाखाली काम करत आहेत. मोदी डोनाल्ड ट्रम्प यांच्यासाठीच काम करत आहेत असे वाटते"
गट-गणांच्या प्रारूप मतदारयादीवर २१ हरकती
एक जुलैनंतरच्या मतदार नोंदणीची माहिती कुणाकडे? जिल्हा निवडणूक शाखा, स्थानिक स्वराज्य संस्थांचे एकमेकांकडे बोट
नवी मुंबई महापालिका अधिकारी, कर्मचारी यांना यंदा दिवाळीनिमित्त ३४,५०० हजार सानुग्रह अनुदान जाहीर !
World Spine Day : धूम्रपानामुळे मणका होतोय खिळखिळा अन् जडतेय पाठदुखी! मणका तज्ज्ञांचा वाढत्या धोक्याबद्दल इशारा
जालना - दर्जाच्या संशयावरून २१ लाखांचे खाद्यतेल जप्त
दसऱ्याच्या मुहूर्तावर महारेराची गृहप्रकल्पांना उच्चांकी मंजुरी! पुण्यात सर्वाधिक प्रकल्प
"महाराष्ट्रासाठी शुभ संकेत", दिपोत्सोवसाठी उद्धव ठाकरे-राज ठाकरे एकत्र; ठाकरे गटाची महत्त्वाची प्रतिक्रिया
गेल्या काही दिवसांत शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे आणि मनसेप्रमुख राज ठाकरे यांच्यातील जवळीक वाढत असल्याचे पाहायला मिळत आहे. राज्यातील हिंदीसक्तीच्या विरोधात एकत्र आल्यापासून दोन्ही नेत्यांच्या भेटीगाठीही वाढल्या आहेत. अशात, आता मनसेच्या यंदाच्या दीपोत्सवाचे उद्घाटन माजी मुख्यमंत्री उद्धव ठाकरे यांच्या हस्ते होणार आहे.
याबाबत बोलताना ठाकरे गटाचे खासदार संजय राऊत म्हणाले, "दिवाळीसाठी दोन पक्ष, दोन कुटुंबं आणि दोन भाऊ एकत्र आले तर त्याचे स्वागत केले पाहिजे. राज ठाकरे यांचे मन मोठे आहे. त्यांनी त्यांच्या महत्त्वाच्या कार्यक्रमाला शिवसेना पक्षप्रमुख उद्धव ठाकरेंना बोलावले आहे. ते भाऊ आहेतच, पण त्यांनी उद्घाटनासाठी शिवसेना पक्षप्रमुखांना आमंत्रित केले आहे. हा महाराष्ट्रासाठी शुभ संकेत आहे."
एकाच घरात ८१३ मतदार ?…जयंत पाटील यांच्यामुळे नाशिक मध्य विधानसभा मतदारसंघ पुन्हा चर्चेत
वसईतील स्मशानभूमीची अवस्था बिकट; अंत्यसंस्कार करण्यासही अडचणी
शिक्षक संघटनांनी साहित्य संमेलन आयोजित करावे - आनंद भंडारी; शिक्षक बँकेच्या जलद आर्थिक व्यवहार सेवांचे उद्घाटन
अहिल्यानगर जिल्हा परिषद, पंचायत समितीसाठी मतदार यादी सदोष असल्याची तक्रार
प्रकाश लोंढे टोळीच्या अनधिकृत इमारतीवर बुलडोझर; महानगरपालिकेची मोठी कारवाई
Diwali 2025 : दिवाळीनिमित्ताने फराळाची लगबग सुरू; घरगुती तयार फराळाला ग्राहकांची पसंती
मिरा भाईंदर मध्ये कचऱ्याचे ढिगारे रस्त्यावर दुर्गंधीने नागरिक त्रस्त
भाईंदर : नाल्यावर उभारले 'आरोग्य वर्धिनी' केंद्र; महापालिकेचा अजब प्रकार
दिवाळीत आकाशात प्रकाशोत्सव, खगोलप्रेमींना विविध घडामोडींची पर्वणी
"युतीधर्म तोडाल तर आमच्याकडेही तुमची मोठी यादी तयार", आमदार बालाजी किणीकरांचा भाजपाला इशारा
अंबरनाथमधील शिवसेनेचे माजी नगरसेवक सुरेंद्र यादव यांनी भाजपात प्रवेश केल्यानंतर शिवसेनेचे आमदार डॉ. बालाजी किणीकर यांनी भाजपाला थेट इशारा दिला आहे. "तुम्ही युतीधर्म पाळणार नसाल, तर आमच्याकडेही तुमच्या नगरसेवकांची मोठी यादी तयार आहे", असे किणीकर म्हणाले आहेत.
Maharashtra Live News Update: “यंदा महापौर शिवसेनेचाच”, शिंदे गटाकडून मुंबईत बॅनरबाजी
मुंबईतील वांद्रेच्या कलानगरमध्ये उपमुख्यमंत्री एकनाथ शिंदे यांच्या शिवसेनेकडून महानगरपालिका निवडणुकीच्या पार्श्वभूमीवर बॅनरबाजी करण्यात आली आहे. या बॅनरवर शिवसेना प्रमुख बाळासाहेब ठाकरे, आनंद दिघे आणि उपमुख्यमंत्री एकनाथ शिंदे यांचा फोट असून, त्यावर 'यंदा महापौर शिवसेनेचाच...' असा मजकूर आहे.
महाराष्ट्र न्यूज लाईव्ह अपडेट्स
