scorecardresearch

Premium

“विकासकामांच्या नावाखाली कोट्यवधी रुपयांचा भ्रष्टाचार”; एकनाथ खडसेंचा शिंदे गटाच्या आमदारावर गंभीर आरोप

मुक्ताईनगरमधील विकासकामांची स्थगिती उठवावी आणि इतर कामांना मंजूरी द्यावी, अशी विनंती खडसेंनी मुख्यमंत्र्यांकडे केली आहे.

eknath khadse
एकनाथ खडसे

राष्ट्रवादीचे आमदार एकनाथ खडसे यांनी शिंदे गटाचे आमदार चंद्रकांत पाटील यांच्यावर गंभीर आरोप केले आहेत. मुक्ताईनगर विधानसभा मतदारसंघात काम न करता बिले काढण्याची स्पर्धा लागली आहे. ठेकेदार आणि अधिकारी यांच्या संगनमताने ९ कोटी रुपयांचं बिल काम न करता काढलं. नियमबाह्य कामांना स्थगिती देत हा भ्रष्टाचार लपविण्याचा प्रयत्न केला, असा आरोप त्यांनी केला आहे. तसेच आमदार विकासकामं मंजूर करुन आणतात अन् काम न करता ठेकेदार आणि अधिकाऱ्यांच्या मदतीने बिले काढतात, असा आरोप त्यांनी पाटील यांच्यावर केला आहे.

हेही वाचा- “कुणी गोळीबार करतंय, कुणी शिवीगाळ करतंय, अरे काय तुझ्या बापाच्या…”, अजित पवारांची सत्ताधाऱ्यांवर आगपाखड!

Proactive action against accused in Sharad Mohol murder case pune news
शरद मोहोळ खून प्रकरणातील आरोपींवर मोक्का कारवाई; मुख्य सूत्रधार गणेश मारणेचा शोध सुरूच
Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
Criticism against Aditi Tatkare
आदिती तटकरेंच्या विरोधातील शिंदे गटाच्या आमदारांची तलवार म्यान ?
liquor bottles Subhash Chandra Bose memorial nagpur municipal corporation marathi news
नागपुरात सुभाषचंद्र बोस यांच्या स्मारकाजवळ मद्याच्या रिकाम्या बाटल्या! विविध संघटनांकडून संताप व्यक्त

खडसेंचा चंद्रकांत पाटलांवर आरोप

या प्रकरणी उच्च न्यायालयात खटला दाखल केला होता. यात उच्च न्यायालयाने तिन्ही अधिकाऱ्यांना नोटीस काढल्या आहेत. एक रुपयांचं काम न करता, कोट्यवधी रुपयांची बोगस बिले काढली जातात तसंच ठेकेदार आणि अधिकाऱ्यांना राजकीय संरक्षण दिलं जातं, असा आरोप एकनाथ खडसे यांनी केला आहे. जिल्ह्यात सर्वत्र असे प्रकार सुरु असल्याचेही खडसे म्हणाले. हा प्रकार चौकशीतून समोर आला आहे. आता उच्च न्यायालनेही त्याची नोंद घेतली आहे, असं सांगत एकनाथ खडसे यांनी मुक्ताईनगरचे शिंदे गटाचे आमदार चंद्रकांत पाटील यांच्यावर धक्कादायक आरोप केला आहे.

हेही वाचा- “ताई तुम्ही अजून एवढ्या मोठ्या झाला नाहीत”, मनसेचा सुप्रिया सुळेंना खोचक टोला! ‘त्या’ ट्वीटवरून केलं लक्ष्य!

अनेक कामांना स्थगिती

मुख्यमंत्री, उपमुख्यमंत्री २० सप्टेंबर रोजी जळगाव जिल्ह्याचा दौऱ्यावर आहेत. या दोघांचे मी स्वागत करतो. शेकडो कामं मंजूर आहेत. मात्र, त्यांना स्थगिती दिली आहे. तर काही कामे मंजूरीच्या प्रतिक्षेत आहेत. विकासकामांची स्थगिती उठवावी आणि इतर कामांना मंजूरी द्यावी, अशी विनंती खडसेंनी मुख्यमंत्र्यांकडे केली आहे. तसेच मुख्यमंत्री आणि उपमुख्यमंत्री विकासकामांना निधी देतील आणि स्थगिती उठवतील, अशी आशाही त्यांनी व्यक्त केली आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ncp mla eknath khadse serious allegation on shide group mla chandrakant patil rno news dpj

First published on: 17-09-2022 at 16:23 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×