scorecardresearch

Premium

VIDEO: “निष्ठेला विष्ठेचा दर्जा…”, ‘ठाकरे गटाचे आठ आमदार फुटणार’ या शिंदे गटाच्या दाव्यावर राऊतांची प्रतिक्रिया

ठाकरे गटातील खासदार विनायक राऊत यांनी शिंदे गटातील खासदार प्रतापराव जाधवांच्या दाव्यावर प्रत्युत्तर दिलं आहे.

Prataprao Jadhav Uddhav Thackeray Vinayak Raut
प्रतापराव जाधव, उद्धव ठाकरे, विनायक राऊत

शिंदे गटातील खासदार प्रतापराव जाधव यांनी खासदार गजानन कीर्तिकर यांच् नंतर उद्धव ठाकरे गटातील आणखी तीन खासदार आणि आठ आमदार शिंदे गटात येतील, असा दावा केला. यावर आता ठाकरे गटातील खासदार विनायक राऊत यांनी प्रत्युत्तर दिलं आहे. “निष्ठेला विष्ठेचा दर्जा प्राप्त करून देणाऱ्या या गद्दार लोकांना त्यांनी जशी खोक्यांसाठी गद्दारी केली तशीच इतर सर्वजण करतील असं वाटतं,” असं म्हणत राऊतांनी शिंदे गटावर पलटवार केला. ते मंगळवारी (२२ नोव्हेंबर) बुलढाणा येथे माध्यमांनी विचारलेल्या प्रश्नांना उत्तर देताना बोलत होते.

विनायक राऊत म्हणाले, “प्रताप जाधव यांनी शिवसेनेचे आठ आमदार आणि तीन खासदार शिंदे गटात येणार असा दावा केला. मात्र, तो गौप्यस्फोट नाही, तर कोल्हेकुई आहे. जसं काविळ झालेल्या व्यक्तिला सर्वच पिवळं दिसतं, तसंच निष्ठेला विष्ठेचा दर्जा प्राप्त करून देणाऱ्या या गद्दार लोकांना त्यांनी जशी खोक्यांसाठी गद्दारी केली तशीच इतर सर्वजण करतील असं वाटतं. परंतु त्यांचा भ्रमनिरास होईल.”

Vijay Wadettivars reaction to Ashok Chavan join BJP
चव्हाणांच्या पक्षांतरावर वडेट्टीवारांची प्रतिक्रिया, म्हणाले “एक व्यक्ती गेला म्हणजे…”
politicians, new awakening, ideological decline,
राजकारण्यांच्या दृष्टीने जे नवप्रबोधन ती प्रत्यक्षात वैचारिक अधोगतीही असू शकते!
BBC Ayodhya coverage British MP Bob Blackman
राम मंदिर प्राणप्रतिष्ठा : BBC च्या वार्तांकनावर ब्रिटनचे खासदार भकडले; म्हणाले, “पक्षपाती..”
molestation
नागपूर: लग्नाचे आमिष दाखवून तरुणीवर बलात्कार

“विचाराची निष्ठा आणि श्रद्धा आमच्याकडून शिका”

“आज आम्ही जे कोणी उद्धव बाळासाहेब ठाकरेंसोबत शिवसेनेत राहिलो आहोत ते खऱ्या अर्थाने बाळासाहेबांचे पाईक आहेत. त्यांच्या पायाचं अमृत आम्ही प्यायलो आहोत. विचाराची निष्ठा आणि श्रद्धा काय असते हे त्यांनी आमच्याकडून शिकून घ्यावं,” असा खोचक टोला विनायक राऊतांनी शिंदे गटाला लगावला.

व्हिडीओ पाहा :

प्रतापराव जाधव नेमकं काय म्हणाले होते?

प्रतापराव जाधव म्हणाले, “अजूनही ठाकरे गटातील खासदार आणि आमदार आमच्या संपर्कात आहेत, पण त्यांच्या स्थानिक पातळीवरील काही वैयक्तिक अडचणी आहेत. ते नेतृत्वावर प्रेम आहेत म्हणून ठाकरे गटात थांबलेले नाहीत. त्यांच्या जिल्ह्यात स्थानिक पातळीवरचे व्यक्तिगत प्रश्न असल्याने ते तिकडे थांबले आहेत.”

“निवडणुका जवळ येतील तसं त्यांचं घर रिकामं होईल”

“शिवसेनेचे ज्येष्ठ नेते गजानन किर्तीकर काही दिवसांपूर्वीच शिंदे गटात आले. जसजशा निवडणुका जवळ येतील तसतसं त्यांचं घर रिकामं झालेलं दिसेल. तसेच एकनाथ शिंदेंच्या नेतृत्वातील बाळासाहेबांची शिवसेना मजबुतीने पुढे येईल,” असं मत प्रतापराव जाधव यांनी व्यक्त केलं.

हेही वाचा : VIDEO: “अस्सलाम वालेकुम लाचारांनो” म्हणत भाजपाची सुषमा अंधारेंच्या ‘त्या’ व्हिडीओवर टीकेची झोड

“…तेव्हा १५ पैकी किमान ७-८ आमदार शिंदे गटात येतील”

“ठाकरे गटातील सर्वच आमदार स्थानिक राजकीय परिस्थितीमुळे तेथे थांबले आहेत. निवडणुका येतील तेव्हा १५ पैकी किमान ७-८ आमदार आणि पाचपैकी दोन ते तीन खासदार शिंदे गटात येतील,” असा दावाही खासदार प्रतापराव जाधवांनी केला.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Vinayak raut answer shinde faction mp prataprao jadhav claim about rebel in shivsena rno news pbs

First published on: 22-11-2022 at 20:27 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×