'आईचं घर उन्हाचं', 'घर तिघांचं हवं', 'ऑल दी बेस्ट' या नाटकांच्या माध्यमातून घराघरात पोहोचलेली अभिनेत्री म्हणजे संपदा जोगळेकर- कुलकर्णी. एक उत्तम अभिनेत्री असण्यासोबच तिने लेखन, निवेदन आणि नृत्य या क्षेत्रांमध्येही आपला ठसा उमटविला आहे. सतत स्वत:ला कार्यरत ठेवणारी आणि प्रत्येक नवीन गोष्ट आवडीने शिकणारी ही अष्टपैलू अभिनेत्री लवकरच 'लोकसत्ता डिजिटल अड्डा'वर प्रेक्षकांशी संवाद साधायला येणार आहे. मंगळवार, १६ जून रोजी सकाळी ११ वाजता संपदा जोगळेकरसोबत गप्पा रंगणार आहेत. विशेष म्हणजे या मुलाखतीत प्रेक्षकांनाही सहभागी होता येणार आहे. Loksattalive या फेसबुक पेजवर ही मुलाखत तुम्हाला पाहता येईल. त्यामुळे न विसरता मंगळवार, १६ जून रोजी ‘लोकसत्ता डिजिटल अड्डा’मध्ये नक्की सहभागी व्हा आणि तुमचेही प्रश्न तयार ठेवा. यासाठी लोकसत्ताच्या Loksattalive या फेसबुक पेजला लाइक करा आणि फॉलो करा… म्हणजे तुम्हाला या आणि अशा व्हिडीओ मुलाखतींमध्ये फेसबुकवर सहभागी होता येईल.
