अजय देवगण बॉलीवूडमधील लोकप्रिय अभिनेत्यांपैकी एक आहे. आत्तापर्यंत त्याने अनेक सुरपहिट चित्रपटांमध्ये काम केले आहे. गेल्यावर्षी त्याचे भोला, चाणक्य सारखे चित्रपट प्रदर्शित झाले. बॉक्स ऑफिसवर या चित्रपटांनी चांगली कमाई केली होती. आता लवकरच त्याचा ‘शैतान’ चित्रपट प्रेक्षकांच्या भेटीला येणार आहे. मध्यंतरी याचा एक छोटासा टीझर प्रेक्षकांच्या भेटीला आला होता. आता नुकताच या चित्रपटाचा थरकाप उडवणारा ट्रेलर प्रदर्शित करण्यात आला आहे.

२ मिनिटं २६ सेकंदाच्या या ट्रेलरमध्ये आपल्याला एक थरकाप उडवणारं नाट्य पाहायला मिळत आहे याबरोबरच एक सस्पेन्सदेखील पाहायला मिळत आहे. बॉलिवूडचे दोन दिग्गज अभिनेते अजय देवगण आणि आर. माधवन हे दोघे या चित्रपटाच्या निमित्ताने एकत्र काम करत आहेत. ट्रेलरमध्ये आर. माधवनचं पात्र हे अजय देवगणवर चांगलंच भारी पडताना दिसत आहे.

A bone stuck in a tiger's teeth
भक्ष्यावर ताव मारताना वाघाच्या दातात अडकले मोठा हाडाचा तुकडा; हातोड्याने….,थरारक व्हिडीओ एकदा बघाच
DRDO ACEM Nashik Recuritment 2024
DRDO ACEM नाशिकद्वारे अप्रेंटिसच्या पदासाठी होणार भरती! ३० एप्रिलपर्यंत करू शकता अर्ज, जाणून घ्या पात्रता निकष
prashant damle birthday special article
प्रशांत दामले : ‘बेस्ट’मध्ये नोकरी ते रंगभूमीचा ‘विक्रमादित्य’, व्यवहार कुशल निर्मात्याचा बहुरुपी प्रवास
Shikhar Dhawan and Shubman Gill
 IPL 2024, GT vs PBKS: पंजाबच्या फलंदाजांचा कस! आज गुजरात टायटन्सचे आव्हान; गिल, धवनकडे लक्ष

आणखी वाचा : ‘बिग बॉस १६’ फेम शिव ठाकरे व अब्दु रोजिक यांना ‘ईडी’चे समन्स; ड्रग माफिया व मनी लॉन्ड्रिंग प्रकरणी झाली चौकशी

काळी जादू, वशीकरण अशा भयानक गोष्टीवर या चित्रपटाचं कथानक बेतलेलं आहे. १० मिनिटांसाठी अजय देवगणच्या घरात शिरलेला माधवन कशा रीतीन अजय देवगणच्या मुलीवर काळी जादू करून तिला आपल्या तालावर नाचवतो आणि हळूहळू ही गोष्ट हे भयानक, हिंस्त्र असं वळण घेऊन लागते याची झलक आपल्याला ट्रेलरमध्ये पाहायला मिळते. आर. माधवनने प्रथमच अशी भूमिका साकारली आहे.

माधवनचा भयानक लूक आणि अजय देवगणची अदाकारी यासाठी प्रेक्षक हा चित्रपट पाहण्यास फार उत्सुक आहेत अन् त्या ट्रेलरने त्यांची उत्सुकता आणखी चाळवली आहे. या चित्रपटाचं दिग्दर्शन विकास बेहल यांनी केलं आहे. ‘शैतान’ हा २०२३ मध्ये प्रदर्शित झालेल्या गुजराती चित्रपट ‘वश’ चित्रपटाचा रिमेक असल्याचे सांगण्यात येत आहे. हा चित्रपट ८ मार्च २०२४ रोजी प्रदर्शित होणार आहे. या चित्रपटात अजय देवगणबरोबर आर माधवन, साऊथची सुपरस्टार ज्योतिका यांच्याही प्रमुख भूमिका आहे.