संगीत क्षेत्रातील सध्या आघाडीचं नाव अरिजीत सिंहचं आहे. अरिजीतने आपल्या सुमधूर आवाजाने तरुणाईंना वेड लावलं आहे. त्यामुळे प्रत्येक बॉलीवूड चित्रपटात अरिजीतचं गाणं असतंच असतं. सध्या अरिजीत सिंह एका कृतीमुळे खूपच चर्चेत आला आहे. त्याच्या या कृतीमुळे त्याला ट्रोल केलं जात आहे.
अरिजीत सिंहचे लाइव्ह कॉन्सर्ट नेहमी चर्चेत असतात. अलीकडेच अरिजीतचा दुबईत लाइव्ह कॉन्सर्ट पार पडला. या लाइव्ह कॉन्सर्टला सामान्य जनतेसह पाकिस्तानी लोकप्रिय अभिनेत्री माहिरा खान उपस्थित होती. यावेळी अरिजीतने माहिराची जाहीर माफी मागितली होती. याचा व्हिडीओ सोशल मीडियावर तुफान व्हायरल झाला होता.
हेही वाचा – अद्वैत दादरकरनंतर ‘रमा राघव’ मालिकेत ‘या’ प्रसिद्ध अभिनेत्रीची एन्ट्री, साकारणार महत्त्वाची भूमिका
याशिवाय दुबईतील लाइव्ह कॉन्सर्टमधील अरिजीत सिंहचा आणखी एक व्हिडीओ सध्या खूप चर्चेत आला आहे. या व्हिडीओत, लाइव्ह कॉन्सर्टमध्येच अरिजीत नखं कापताना दिसत आहे. अरिजीतची ही कृती पाहून नेटकरी त्याला खूप ट्रोल करत आहेत.
एका नेटकऱ्याने लिहिलं आहे, “हे खूप अनप्रोफेशनल आहे.” तर दुसऱ्या नेटकऱ्याने लिहिलं, “लाइव्ह कॉन्सर्टमध्ये अशी कृती करणं खूप चुकीचं आहे.” तसंच तिसऱ्या नेटकऱ्याने लिहिलं, “अंघोळ पण कर.” चौथ्या नेटकऱ्याने लिहिलं, “भाई रात्रीची नखं कापत नाहीत.” अशा अनेक प्रतिक्रिया नेटकऱ्यांनी दिल्या आहे.
हेही वाचा – Video: ‘नाच गं घुमा’ गाण्यावर पूजा सावंतचा बहिणीबरोबर जबरदस्त डान्स, व्हिडीओ व्हायरल
शिवाय काही नेटकऱ्यांनी लाइव्ह कॉन्सर्टमध्ये अरिजीतने नखं का कापली? यामागचं कारण सांगितलं आहे. एका नेटकऱ्याने लिहिलं आहे, “गिटार वाजवताना त्याला त्रास होतं होता. म्हणून त्याने लाइव्ह दरम्यान नखं कापली.”
हेही वाचा – Video: सिद्धार्थ जाधव व सुरेश रैनाची झाली ग्रेटभेट, क्रिकेटरने अभिनेत्याचं केलं कौतुक; व्हिडीओ व्हायरल
दरम्यान, सध्या अरिजीत सिंह भारतात आहे. काही दिवसांपूर्वी त्याचा एक व्हिडीओ व्हायरल झाला होता. या व्हिडीओत अरिजीत पत्नीसह स्कूटीवरून मतदान करायला गेल्याचा पाहायला मिळाल होतं. या व्हिडीओतील त्याच्या साधेपणाने पुन्हा एकदा चाहत्यांची मनं जिंकली होती.
