मनीषा कोईरालाला एका प्रसिद्ध फोटोग्राफरने बिकिनी घालण्यासाठी केला होता आग्रह; अभिनेत्री किस्सा सांगत म्हणाली, “मी घातलेल्या संपूर्ण कपड्यांवर…”

अभिनेत्रीने तिच्या करिअरमधील अशा एका प्रसंगाचा उल्लेख केला, जिथे तिला एका प्रसिद्ध फोटोग्राफरकडून वाईट अनुभव आला होता. एका प्रसिद्ध फोटोग्राफरने त्याकाळी मनीषाला बिकिनी घालून फोटोशूट करण्यास आग्रह केला होता. मनीषाने एका मुलाखतीत याचा खुलासा केला आहे.

हेही वाचा… अनंत अंबानी-राधिका मर्चंटच्या संगीत सोहळ्यातील लूकमुळे जस्टिन बीबरला केलं जातंय ट्रोल; नेटकरी म्हणाले, “१५० रुपयांची बनियन…”

इंडियन एक्स्प्रेसच्या वृत्तानुसार एका मुलाखतीत मनीषा म्हणाली, “माझ्या करिअरच्या सुरुवातीला मला माझे फोटोग्राफ काढून आणायला सांगायचे. तर मी माझ्या आईसह एका प्रसिद्ध फोटोग्राफरकडे तेव्हा गेले होते आणि सुरुवातीला तो फोटोग्राफर मला म्हणाला की, तू भविष्यातली मोठी सुपरस्टार आहेस वगैरे… त्यानंतर तो मला म्हणाला की, तू फोटोशूटसाठी बिकिनी घाल. यावर मी त्याला म्हणाले की, सर जेव्हा मी बीचवर जाते किंवा पोहण्यासाठी स्विमिंगपूलमध्ये जाते तेव्हाच मी हे घालते; पण मला जर चित्रपटांमध्ये काम करण्यासाठी हा मार्ग निवडावा लागत असेल तर मी हे मुळीच घालणार नाही.”

मनीषाच्या विचारांबद्दल कळल्यानंतर त्याने तिला जायला सांगितलं. मनीषा त्याला म्हणाली की, “मी घातलेल्या संपूर्ण कपड्यांवर तुम्ही माझं फोटोशूट करा नाहीतर मी…” त्यानंतर एक मोठा डायलॉग म्हणत फोटोग्राफर मनीषाला म्हणाला, “जो मिट्टी पिघलने से शरमाती हो, उसको मूर्ती कैसे बनाये?” मी हे सगळं कधीच विसरले नाही.

हेही वाचा… गुडन्यूज दिल्यानंतर ‘या’ प्रसिद्ध फॅशन डिझायनरने पहिल्यांदाच शेअर केले बेबी बंपचे फोटो; म्हणाली, “अजूनही थोडं…”

मुलाखतीत संवादादरम्यान मनीषाने हेदेखील सांगितलं की, ९०च्या काळात काही लोकांची मानसिकताच अशी होती. तिने हेदेखील सांगितलं की, “जेव्हा ती प्रसिद्ध अभिनेत्री बनली तेव्हा त्याच फोटोग्राफरला तिचं फोटोशूट करायचा योग आला आणि तेव्हा तो तिला म्हणाला की, मला माहीतच होतं की तू मोठी स्टार बनणार आहेस.”

दरम्यान, मनीषा कोईरालाच्या कामाबद्दल सांगायचं झालं तर मनीषा शेवटची ‘हीरामंडी- द डायमंड बझार’ या वेब सीरिजमध्ये झळकली होती. २०२३ रोजी प्रदर्शित झालेल्या कार्तिक आर्यन अभिनीत ‘शेहजादा’ या चित्रपटातदेखील अभिनेत्री झळकली होती.