“मी तुझं…” ; ‘द केरला स्टोरी’ फेम अभिनेत्रीने सांगितला कास्टिंग काऊचचा ‘तो’ धक्कादायक अनुभव

हेही वाचा- Video : “माझ्या सगळ्या गाड्यांचे नंबर…” श्रद्धा कपूरने पापाराझींबरोबर साधला मराठीत संवाद, अभिनेत्रीचा ‘तो’ व्हिडीओ व्हायरल

नुकतीच तिने ‘जनसत्ता’ला एक मुलाखत दिली. या मुलाखतीत तिने याबाबत खुलासा केला आहे. योगिता म्हणाली, ” जेव्हा मी इंडस्ट्रीत आले तेव्हा मला या सर्व गोष्टींची माहिती नव्हती. कास्टिंग काउचसारखे काही तरी आहे याची मला कल्पना नव्हती. मी खूप सरळ होते. जेव्हा मला एखाद्या प्रोजेक्टसाठी फोन यायचा तेव्हा माझ्या एक-दोन वर्षं आधी अभिनय करणारे माझे मित्र होते. मी त्याला मेसेज करायचे आणि त्याच्याकडून जाणून घ्यायचे की असा एक टीव्ही शो आहे आणि ऑडिशन आहे का? ते खरे आहे की नाही हे मी नेहमी तपासून पाहायची.”

योगिता पुढे म्हणाली, “एकदा मला एका प्रोजेक्टच्या संदर्भात बोलावण्यात आल्याचे आठवते. चित्रपटासंदर्भात करार करायचा होता. यासाठी त्याने मला कुठल्या तरी हॉटेलमध्ये बोलावले. पण मी मीटिंगसाठी कोणत्याही हॉटेलमध्ये जाणार नाही, असा माझा नियम होता. त्याला हे आधी माहीत होते पण तो म्हणाला की फक्त करारावर सही करायची आहे. मी माझ्या मित्राबरोबर तिथे गेले. तो दुसऱ्या टेबलावर बसला होता. मी त्याच्याबरोबर वेगळ्या टेबलावर बसून बोलत होतो.

हेही वाचा- दीपिका पदुकोणने पतीला केले ट्रोल; इन्स्टाग्रामवर रणवीर सिंहसाठी शेअर केला भन्नाट मीम

“मला त्या वेळी इतकेही समजत नव्हते की, कोणी काही बोलत असेल तर त्याचा अर्थ काय? मी खूप लहान होते. तुम्हाला कोणीही थेट काही सांगत नाही. त्यासाठी ते वेगळे शब्द वापरतात, मला ती व्यक्ती म्हणाली, ‘मी तुझे करियर बनवणार आहे.’ हे वाक्य ऐकून माझ्या मित्राने मला तिथून निघण्यास सांगितले. मी आणि माझा मित्र तिथून निघालो. तो माझा पहिला अनुभव होता. मला कोणीही जबरदस्तीने काहीही करायला सांगितले नाही. जिथे मला सुरक्षित वाटत नाही अशा ठिकाणी मी अजिबात जात नाही.” असे योगिता म्हणाली.