Bigg Boss 18: ‘सिंघम अगेनच्या’मधील एका अ‍ॅक्शन सीनमुळे अजय देवगणला २-३ महिने…, सलमान खानने सांगितला ‘तो’ प्रसंग

रविवारी, वीकेंड वारमध्ये ‘सिंघम अगेन’ चित्रपटाचा दिग्दर्शक रोहित शेट्टी व अजय देवगणने ‘बिग बॉस’च्या घरातील सदस्यांबरोबर धमाल-मस्ती केली. रोहित शेट्टी ‘बिग बॉस’च्या घरात गेला होता. त्याने यावेळी सदस्यांबरोबर एक खेळ खेळला आणि एका सदस्याला घराबाहेर आणलं. तिसऱ्या आठवड्यात दोन सदस्य घराबाहेर झाले. मुस्कान बामनेनंतर नायरा बनर्जी एलिमिनेट झाली. त्यानंतर सलमान खानबरोबर रोहित आणि अजयने ‘बिग बॉस’च्या मंचावर गप्पा मारल्या. यावेळी अजय व सलमानने त्यांच्या काळातील चित्रपटाच्या चित्रीकरणाविषयी सांगितलं.

हेही वाचा – Video: “अशा काहीही अफवा पसरवू नका”, ‘बिग बॉस मराठी’ फेम जान्हवी किल्लेकरने केली विनंती, नेमकं काय घडलं? वाचा…

तेव्हा सलमान अजयला म्हणाला, “‘सिंघम अगेन’ चित्रपटाच्या चित्रीकरणादरम्यान तुझ्या डोळ्याला जखम झाली होती ना?” अजय म्हणाला, “हां.” त्यानंतर सलमानने तो प्रसंग सांगितला. तो म्हणाला, “अजयने मला एक शॉर्ट दाखवला होता. ज्याच्यात वेळ चुकली. एक व्यक्ती लाकूड घेऊन अजयला मारायला येत होती आणि त्याची वेळ चुकीची होती. त्यामुळे त्या लाकडाचा सरळ फटका अजयच्या डोळ्यावर पडला.” त्यानंतर अजय म्हणाला की, दोन-तीन महिने दिसत नव्हतं. छोटीशी शस्त्रक्रिया झाली असून आता बरीच सुधारणा झाली आहे. पुढे सलमान म्हणाला, “अशा अ‍ॅक्शन सीनमुळे आमच्याबरोबर हे सतत होतं राहत.” तेव्हा अजय म्हणाला, “पण आजकालच्या मुलांसाठी अ‍ॅक्शन करणं सोप झालं आहे. जेव्हा आपण सुरू केलं. तेव्हा चार मजल्यावरून केबल शिवाय उड्या मारायच्या होत्या.”

हेही वाचा – Video: “जग जिंकायचं आहे का तुम्हाला? आईच्या पायावर डोकं ठेवा”, संकर्षण कऱ्हाडेची कविता ऐकून कलाकार झाले भावुक, पाहा व्हिडीओ

दरम्यान, काही दिवसांपूर्वीच ‘सिंघम अगेन’ चित्रपटाचा ट्रेलर प्रेक्षकांच्या भेटीस आला होता. तेव्हापासून या चित्रपटाबाबत प्रेक्षकांमधील उत्सुकता शिगेला पोहोचली आहे. या चित्रपटात अजय देवगणसह करीना कपूर, दीपिका पदुकोण, रणवीर सिंह, टायगर श्रॉफ, अर्जुन कपूर अशी तगडी स्टारकास्ट पाहायला मिळणार आहे. १ नोव्हेंबरला ‘सिंघम अगेन’ चित्रपट प्रदर्शित होणार आहे.