bigg boss marathi pandharinath kamble heartfelt post for winner suraj chavan after grand finale पॅडी दादांच्या हातात ट्रॉफी दिली, मिठी मारली अन्...; सूरज-पंढरीनाथचे 'ते' फोटो पाहून नेटकरी भावुक, म्हणाले, "दोन खरी माणसं..."

Bigg Boss Marathi : 'बिग बॉस' विजेत्या सूरज चव्हाणसाठी पंढरीनाथची खास पोस्ट; म्हणाला...

पंढरीनाथ व सूरजचे खास फोटो ( फोटो सौजन्य : लोकसत्ता ग्राफिक्स टीम/paddykamble इन्स्टाग्राम )

Bigg Boss Marathi Season 5 Winner Suraj Chavan : ‘बिग बॉस मराठी’च्या पाचव्या पर्वाचा विजेता सूरज चव्हाण ठरला आहे. त्याचा आजवरचा प्रवास थक्क करणारा आहे. पण, ‘बिग बॉस’च्या घरात एन्ट्री केल्यावर त्याला सर्वात मोठी साथ पंढरीनाथ कांबळेने दिली. पॅडी आणि अंकिताने सूरजला पदोपदी मार्गदर्शन केलं. सूरजचा जन्म अतिशय गरीब कुटुंबात झाला होता. लहानपणीच आई-वडिलांचं निधन झाल्यामुळे त्याच्या बहिणीने त्याचा सांभाळ केला.

घरातील बेताच्या परिस्थितीमुळे सूरजला त्याचं शिक्षण पूर्ण करता आलं नाही. घरात एन्ट्री घेण्यापूर्वी ‘बिग बॉस’च्या टीमने त्याला विशेष ट्रेनिंग दिलं होतं. कारण, एवढं मोठं घर, बाथरुम, स्विमिंग पूल अशा कोणत्याच गोष्टी सूरजला माहिती नव्हत्या. यानंतर खरा खेळ सुरू झाल्यावर प्रत्येक टास्कमध्ये पॅडीने त्याची मदत केली. अंकिता व पॅडीने क्षणोक्षणी त्याला घरातील सगळ्या गोष्टी समजावून सांगितल्या. याच सगळ्याची पोचपावती म्हणून सूरज विजेता ( Bigg Boss Marathi ) ठरल्यावर थेट पॅडीकडे पोहोचला.

हेही वाचा : Bigg Boss Marathi : “१० वर्ष प्रायोगिक नाटकं, साडेतीन वर्ष मालिका करून…”, सूरज चव्हाण जिंकल्यावर अभिनेत्याची पोस्ट, म्हणाला, “हा झापूक झुपूक बोलून…”

पॅडीची सूरजसाठी खास पोस्ट

सूरजने विजेता झाल्यावर त्याची ट्रॉफी पंढरीनाथकडे सुपूर्द केली आणि त्याला घट्ट मिठी मारली. या दोघांच्या भेटीचे फोटो सोशल मीडियावर तुफान व्हायरल झाले आहेत. एवढंच नव्हे तर नेटकऱ्यांनी देखील हे फोटो पाहून यावर भावुक प्रतिक्रिया दिल्या आहेत. पॅडी हे फोटो शेअर करत लिहितो, “या चेहऱ्यांवर आनंद आणि समाधान देणाऱ्या महाराष्ट्रातील संपूर्ण रसिक मायबाप प्रेक्षकांचे मनापासून आभार!”

View this post on Instagram

A post shared by Pandharinat Kamble (@pandharinat_kamble)

हेही वाचा : Bigg Boss Marathi- “ट्रॉफी त्याची पण, धमाका फक्त माझ्या नावाचा…”, सूरजच्या विजयानंतर निक्कीची पहिली प्रतिक्रिया; थेट प्रश्न विचारत म्हणाली…

हेही वाचा : Video: “त्यांची तोंडं बंद केलीस…”, सूरज चव्हाणच्या विजयावर सुरेखा कुडची यांची पहिली प्रतिक्रिया, म्हणाल्या, “मी सुरुवातीपासून…”

This quiz is AI-generated and for edutainment purposes only.

पॅडीने शेअर केलेला फोटो पाहून नेटकरी भावुक झाले आहेत. “दोन खरी माणसं एकत्र”, “लेकराच्या विजयाचा बापाच्या चेहऱ्यावरील आनंद!”, “पॅडी भाऊ खरंच क्षमा असावी वोट सूरजला दिल्याबद्दल, तरी तुमच्या मुलानेच ट्रॉफी जिंकली”, “OG माणसं आपली” अशा प्रतिक्रिया देत नेटकऱ्यांनी कमेंट्समध्ये भावुक झाल्याचे इमोजी जोडले आहे.

Web Title: Bigg boss marathi pandharinath kamble heartfelt post for winner suraj chavan after grand finale sva 00