scorecardresearch

Premium

छत्रपती शिवाजी महाराजांना फोन करण्याची राज ठाकरेंची इच्छा, म्हणाले, “महाराष्ट्रातील प्रत्येक व्यक्तीला…”

Video : ‘खुपते तिथे गुप्ते’मधील राज ठाकरेंचं वक्तव्य चर्चेत

raj-thackeray-khupte-tithe-gupte
'खुपते तिथे गुप्ते'मध्ये राज ठाकरेंचं वक्तव्य. (फोटो : लोकसत्ता ग्राफिक्स टीम)

छोट्या पडद्यावरील लोकप्रिय ठरलेला ‘खुपते तिथे गुप्ते’ हा कार्यक्रम पुन्हा सुरू होत आहे. या कार्यक्रमाचे दुसरे पर्व लवकरच प्रेक्षकांच्या भेटीला येत आहे. या कार्यक्रमाबाबत प्रेक्षकांमध्ये उत्सुकता आहे. सुप्रसिद्ध गायक अवधूत गुप्ते ‘खुपते तिथे गुप्ते’ या कार्यक्रमाचे सूत्रसंचालन करणार असून शोमध्ये हजेरी लावणाऱ्या पाहुण्यांना तो बोलतं करणार आहे.

‘खुपते तिथे गुप्ते’ कार्यक्रमात मनसे अध्यक्ष राज ठाकरे हजेरी लावणार आहेत. या कार्यक्रमातील त्यांच्या काही क्लिप्स सोशल मीडियावर व्हायरल होत आहेत. आता झी मराठीच्या ऑफिशियल पेजवरुन ‘खुपते तिथे गुप्ते’ कार्यक्रमातील राज ठाकरेंचा आणखी एक व्हिडीओ शेअर करण्यात आला आहे. या व्हिडीओमध्ये राज ठाकरेंनी छत्रपती शिवाजी महाराजांना फोन करण्याची इच्छा व्यक्त केली आहे.

chandrashekhar bawankule
सुप्रीम कोर्टाच्या निर्देशानंतर राजकीय हालचालींना वेग, भाजपाकडून ‘प्लॅन बी’ तयार? बावनकुळे म्हणाले…
manoj jarnage patil
“बाकीचं नंतर बघू, आधी माझ्या किडन्या तपासा”, मनोज जरांगेंच्या किडनीचा नेमका घोळ काय?
Actor Vijay Antony reacts on Daughter Meera suicide
“मी तिच्याबरोबर मेलो,” १६ वर्षीय मुलीच्या आत्महत्येनंतर अभिनेत्याची भावुक पोस्ट; म्हणाला, “जिथे जात, धर्म, पैसा…”
ramdas kadam on uddhav thackeray aaditya
“आदित्यसाहेब आणि त्यांचा बाप…”, रामदास कदमांची टीका; म्हणाले, “…आता दोघंही पळतायत!”

हेही वाचा>> ‘महाराष्ट्र शाहीर’ चित्रपट ओटीटीवर प्रदर्शित होणार, कधी आणि कुठे? जाणून घ्या

‘खुपते तिथे गुप्ते’ कार्यक्रमातील या व्हिडीओमध्ये अवधूत गुप्ते राज ठाकरेंना “हा जादूचा फोन डायरेक्ट कनेक्ट होईल. तुमच्या मनातील व्यक्तीला तो आपोआप लागणार आहे,” असं म्हणतो. यावर राज ठाकरे म्हणतात, “मला छत्रपती शिवाजी महाराजांशी बोलायचं आहे. त्यांनी पुन्हा महाराष्ट्रात अवतरावं आणि महाराष्ट्रातील प्रत्येक व्यक्तीला तुम्ही कशासाठी झगडलात हे सांगावं, अशी माझी इच्छा आहे.”

अवधूत गुप्तेचा ‘खुपते तिथे गुप्ते’ हा कार्यक्रम येत्या ४ जूनपासून प्रसारित होणार आहे. झी मराठी वाहिनीवर दर रविवारी रात्री ९ वाजता हा कार्यक्रम प्रेक्षकांना पाहता येणार आहे. या कार्यक्रमात मुख्यमंत्री एकनाथ शिंदेही हजेरी लावणार आहेत.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-06-2023 at 12:39 IST

संबंधित बातम्या

गणेश उत्सव २०२३ ×