Video: ‘शिवा’ मालिकेतील ‘तो’ सीन व्हायरल, व्हिडीओ पाहून नेटकरी म्हणाले, “कार्टून दाखवताय का लहान मुलांना…”

‘शिवा’ या नव्या मालिकेत अभिनेत्री पूर्वा फडकेने शिवानी उर्फ शिवा ही भूमिका साकारली आहे. तर अभिनेता शाल्व किंजवडेकरने आशुतोष उर्फ आशुची भूमिका साकारली आहे. या मालिकेतील आशु दिव्याला इस्प्रेस करण्यासाठी एक स्टंट करतो; याच सीनची चर्चा सोशल मीडियावर सुरू आहे.

हेही वाचा – Video: नव्या मालिकांच्या शर्यतीत आता ‘कलर्स मराठी’ची एन्ट्री, केदार शिंदे यांनी केली ‘इंद्रायणी’ मालिकेची घोषणा

‘झी मराठी’च्या सोशल मीडियावर हा सीन शेअर करण्यात आला आहे. ज्यामध्ये आशुने दिव्याला इम्प्रेस करण्यासाठी हातात विषारी साप पकडल्याचं दाखवलं आहे. वीएफएक्सच्या माध्यमातून हा साप दाखवण्यात आला आहे; जे काही नेटकऱ्यांना खटकलं आहे. ”सातव्या मुलीची सातवी मुलगी’मधला नाग आता झीवरच्या इतर सगळ्या मालिकांमध्ये वापर करणार वाटतं’, ‘झी मराठीच्या जुन्या मालिका चांगल्या होत्या. आताच्या मालिकांमध्ये काहीच नाही’, ‘काय फालतू मालिका आहे, बंद करा काहीही दाखवतात’, अशा अनेक प्रतिक्रिया नेटकऱ्यांनी ‘शिवा’ मालिकेच्या या सीनवर दिल्या आहेत.

हेही वाचा – “तुमच्या बरोबर झालंय का कधी असं?”, कुशल बद्रिकेने व्हेलेंटाइन डेनिमित्ताने लिहिलेल्या पोस्टने वेधलं लक्ष

एका नेटकऱ्याने लिहिलं आहे, ‘कार्टून दाखवताय का लहान मुलांना?’ तर दुसऱ्या नेटकऱ्याने लिहिलं, ‘कार्टून पण यापेक्षा चांगल दाखवतात.’ तर तिसऱ्या नेटकऱ्याने लिहिलं आहे, ‘ओव्हर अ‍ॅक्टिंग.’

दरम्यान, ‘शिवा’ ही मालिका ‘सिंदूरा बिंदू’ या ओडिया मालिकेचा रिमेक आहे. याआधी हिंदी भाषेत या मालिकेचा रिमेक झाला होता. ‘मीत’ असं हिंदीतल्या मालिकेचं नाव होतं. त्यानंतर आता मराठीत ही मालिका सुरू झाली आहे.