मुंबई : रेल्वे रूळ, ओव्हर हेड वायर, सिग्नल यंत्रणा आणि अभियांत्रिकी कामे करण्यासाठी रविवारी हार्बर मार्ग आणि पश्चिम रेल्वेवर ब्लाॅक घेण्यात येणार आहे. मात्र छत्रपती शिवाजी महाराज टर्मिनस – कल्याणदरम्यान मुख्य मार्गावर कोणताही मेगा ब्लॉक घेण्यात येणार नाही. त्यामुळे या मार्गावरील प्रवाशांना दिलासा मिळेल.
हार्बर मार्ग
कुठे : कुर्ला – वाशी स्थानकांदरम्यान अप आणि डाऊन मार्गावर
कधी : सकाळी ११.१० ते दुपारी ४.१० पर्यंत
परिणाम : छत्रपती शिवाजी महाराज टर्मिनस मुंबई येथून सकाळी १०.३४ ते दुपारी ३.३६ दरम्यान सुटणाऱ्या वाशी / बेलापूर / पनवेलकडे जाणाऱ्या डाऊन मार्गावरील लोकल, तसेच पनवेल / बेलापूर / वाशी येथून सकाळी १०.१७ ते दुपारी ३.४७ दरम्यान छत्रपती शिवाजी महाराज टर्मिनसकडे येणाऱ्या अप हार्बर मार्गावरील लोकल रद्द करण्यात येणार आहेत.
ब्लॉक कालावधीत छत्रपती शिवाजी महाराज टर्मिनस – कुर्ला आणि पनवेल – वाशीदरम्यान विशेष लोकल चालविण्यात येणार आहेत. ब्लॉक कालावधीत सकाळी १० ते सायंकाळी ६ दरम्यान हार्बर मार्गावरील प्रवाशांना ठाणे ते वाशी/नेरुळ स्थानकांदरम्यान प्रवास करण्यास परवानगी देण्यात आली आहे.
पश्चिम रेल्वे
कुठे : बोरिवली -राम मंदिर आणि राम मंदिर – कांदिवली स्थानकांदरम्यान पाचव्या मार्गिकेवर
कधी : रविवारी सकाळी १० ते दुपारी १ पर्यंत
परिणाम : ब्लाॅक कालावधीत सर्व अप जलद मार्गावरील लोकल बोरिवली – अंधेरी स्थानकांदरम्यान अप धीम्या मार्गावर चालवण्यात येणार आहेत. तर, पाचव्या मार्गिकेवरील सर्व लोकल अंधेरी – बोरिवली स्थानकांदरम्यान डाऊन जलद मार्गावर चालवण्यात येणार आहेत. ब्लॉकमुळे काही लोकल रद्द करण्यात येणार आहेत. काही लोकल अंधेरी – बोरिवलीदरम्यान हार्बर मार्गावरून गोरेगाव येथून वळवण्यात येतील.
