मुंबई : मध्य रेल्वेच्या मुंबई विभागात विविध अभियांत्रिकी आणि देखभालीच्या कामांसाठी रविवारी मेगाब्लॉक घेण्यात येणार आहे.
मध्य रेल्वे
मुख्य मार्ग
कुठे : ठाणे – कल्याण स्थानकांदरम्यान अप आणि डाउन जलद मार्गावर
कधी : सकाळी १०.४० ते दुपारी ३.४० दरम्यान
परिणाम : ब्लॉक कालावधीत छत्रपती शिवाजी महाराज टर्मिनस येथून सकाळी ९.३४ ते दुपारी ३.०३ या वेळेत सुटणाऱ्या डाऊन जलद / अर्धजलद लोकल ठाणे – कल्याण स्थानकांदरम्यान डाऊन धिम्या मार्गावर वळवण्यात येतील आणि त्यांच्या नियोजित थांब्यांव्यतिरिक्त कळवा, मुंब्रा आणि दिवा स्थानकांवर थांबतील. कल्याण येथून सकाळी १०.२८ ते दुपारी ३.४० या कालावधीत सुटणाऱ्या अप जलद /अर्धजलद लोकल कल्याण – ठाणे स्थानकांदरम्यान अप धिम्या मार्गावर वळवण्यात येतील आणि दिवा, मुंब्रा आणि कळवा स्थानकांवर थांबतील. मुलुंड स्थानकावर पुन्हा अप जलद मार्गावर वळवण्यात येतील. छत्रपती शिवाजी महाराज टर्मिनस / दादर येथून सुटणाऱ्या डाऊन मेल / एक्स्प्रेस ठाणे – कल्याण स्थानकांदरम्यान पाचव्या मार्गावर वळवण्यात येणार आहेत. छत्रपती शिवाजी महाराज टर्मिनस / दादरला येणाऱ्या अप मेल / एक्सप्रेस गाड्या कल्याण आणि ठाणे / विक्रोळी स्थानकांदरम्यान सहाव्या मार्गावर वळवण्यात येणार आहेत.
हार्बर मार्ग
कुठे : पनवेल – वाशी स्थानकांदरम्यान (पोर्ट मार्गिका वगळून) अप आणि डाऊन मार्गावर
कधी : सकाळी ११.०५ ते दुपारी ४.०५ दरम्यान
परिणाम : पनवेल येथून सकाळी १०.३३ ते दुपारी ४.४९ दरम्यान छत्रपती शिवाजी महाराज टर्मिनसकडे जाणाऱ्या अप हार्बर मार्गावरील लोकल आणि छत्रपती शिवाजी महाराज टर्मिनस येथून सकाळी ९.४५ ते दुपारी ४.१२ दरम्यान बेलापूर / पनवेलला जाणाऱ्या डाऊन हार्बर मार्गावरील लोकल रद्द करण्यात येणार आहेत. पनवेल येथून सकाळी ११.०२ ते दुपारी ४.५३ दरम्यान ठाण्याकडे जाणाऱ्या अप ट्रान्सहार्बर मार्गावरील लोकल आणि ठाणे येथून सकाळी १०.०१ ते दुपारी ४.२० दरम्यान पनवेलकडे जाणाऱ्या डाऊन ट्रान्सहार्बर मार्गावरील लोकल रद्द करण्यात आल्या आहेत. ब्लॉक कालावधीत छत्रपती शिवाजी महाराज टर्मिनस – वाशी विभागात विशेष लोकल चालवण्यात येणार आहेत. ब्लॉक कालावधीत ठाणे – वाशी / नेरुळ स्थानकांदरम्यान ट्रान्सहार्बर मार्गावरील लोकल उपलब्ध असतील. ब्लॉक कालावधीत पोर्ट मार्ग उपलब्ध असेल.
