scorecardresearch

आठ दिवसांपासून मागावर, नजरेच्या टप्प्यात येताच ‘डॉट’ मारून…

वाघाच्या हल्ल्यात दोघांचा बळी आणि एक तरुण जखमी झाल्यानंतर वन विभागाने या वाघाला पकडण्याची प्रक्रिया सुरू केली होती.

आठ दिवसांपासून मागावर, नजरेच्या टप्प्यात येताच ‘डॉट’ मारून…
आठ दिवसांपासून मागावर, नजरेच्या टप्प्यात येताच ‘डॉट’ मारून…

यवतमाळ : वणी तालुक्यात दोघांचा बळी घेणाऱ्या वाघाला कोलार पिंपरी जंगलात जेरबंद करण्यात वन विभागाला अखेर आज, बुधवारी सकाळी यश आले. या वाघाच्या हल्ल्यात दोघांचा बळी आणि एक तरुण जखमी झाल्यानंतर वन विभागाने या वाघाला पकडण्याची प्रक्रिया सुरू केली होती.

वणी तालुक्यात या वाघाने काही दिवसांपूर्वी रांगणा भुरकी येथील अभय देऊळकर या युवकाला ठार केल्यानंतर २७ नोव्हेंबरला कोलार पिंपरी येथील रामदास पिदूरकर यांच्यावर हल्ला करून ठार केले होते. ब्राम्हणी येथे टॉवरचे काम करणाऱ्या उमेश पासवान या मजुरावरही वाघाने हल्ला केला. मात्र, तो वाघाच्या तावडीतून सुटल्याने बचावला. या वाघामुळे नागरिकांमध्ये भीतीचे वातावरण होते. यानंतर परिसरातील नागरिकांनी या वाघास वनविभागाने जेरबंद करण्याची मागणी लावून धरली.

हेही वाचा: इन्‍स्‍टाग्रामवर मैत्री, प्रेम आणि धोका; तरुणीचे वि‍वस्‍त्र छायाचित्रे व्हायरल करण्याची धमकी देत तरुणाने…

वन विभागाने वाघाला पकडण्यासाठी योजना आखली. पुसद येथील पथक, पांढरकवडा येथील ‘मोबाईल स्कॉड’,‘रेस्क्यू’ पथक व वणी येथील अधिकारी व कर्मचारी सज्ज झाले. मागील आठ दिवसांपासून वन विभाग या वाघाच्या मागावर होते. याकरिता ‘ट्रॅप कॅमेरे’, पिंजरे कोलार पिंपरी परिसरातील जंगलात लावण्यात आले होते.

हेही वाचा: निर्दयीपणाचा कळस! पायावर पाय ठेऊन बसल्याने विद्यार्थ्याला शिक्षकाची बेशुद्ध होईपर्यंत मारहाण

बुधवारी सकाळी ‘रेस्क्यू’ पथकाच्या निदर्शनास हा वाघ आला. त्याला ‘डॉट’ मारून बेशुद्ध करून पिंजऱ्यात जेरबंद करण्यात आले. वाघाला पकडण्यात आल्यामुळे नागरिक, शेतकरी, शेतमजूर व वेकोलि कर्मचारी यांनी सुटकेचा श्वास घेतला. या वाघाला नागपुरातील गोरेवाडा येथे हलवण्यात आले आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 07-12-2022 at 17:43 IST

संबंधित बातम्या