नाशिक : नाशिकरोड रेल्वे स्थानकाजवळ शुक्रवारी दुपारी सव्वातीनच्या सुमारास ११०५५ डाऊन लोकमान्य टिळक टर्मिनस- गोरखपूर गोदान एक्स्प्रेसच्या माल (पार्सल) डब्याला आग लागली. या आगीत कोणतीही जीवित हानी झाली नसली तरी काही गाड्यांचा खोळंबा झाला.
लोकमान्य टिळक टर्मिनसहून गोरखपूरकडे निघालेली गोदान एक्स्प्रेस नाशिक रोड स्थानकाजवळ आल्यानंतर गाडीच्या सर्वात मागे असलेल्या माल डब्यातून अचानक धूर निघू लागला. आग लागल्याचे दिसताच आगीवर नियंत्रण मिळविण्यासाठी रेल्वे पोलिसांकडून प्रयत्न करण्यात आले.
हेही वाचा…दुचाकी चोरट्यांची भन्नाट शक्कल, चोरी जळगावात अन विक्री…
This quiz is AI-generated and for edutainment purposes only.
थोड्या वेळाने आगीवर नियंत्रण मिळवून नुकसानग्रस्त डबा गाडीपासून वेगळा करण्यात आला. त्यानंतर गाडी मनमाडच्या दिशेने रवाना झाली. आगीचे कारण कळू शकलेले नाही.
