नाशिक : पंचवटीतील खासगी रुग्णालयातील डॉक्टरावर आर्थिक वादातून संशयिताने हल्ला करुन त्यांना गंभीर जखमी केले. जखमी डॉक्टरांची प्रकृती गंभीर आहे. या प्रकरणी पंचवटी पोलीस ठाण्यात संशयितावर गुन्हा दाखल करण्यात आला आहे. पंचवटीतील सुयोग हॉस्पिटलमधील डॉ. कैलास राठी यांच्याकडे रोहिणी दाते-मोरे या काम करत होत्या. त्यांचे पती राजेंद्र मोरे यांचा डॉ. राठी यांच्याशी जमिनीच्या व्यवहारावरून संपर्क झाला. म्हसरूळ परिसरातील भूखंड खरेदीचा व्यवहार दोघांमध्ये झाला. या व्यवहारात ठरलेली बहुतांश रक्कम ही राठी यांनी मोरे यांना दिली. मात्र काही रक्कम बाकी असल्याने मोरे आणि राठी यांच्यात वाद होता.

दोन वर्षांपासून हा वाद सुरू होता. शुक्रवारी रात्री याविषयी चर्चेसाठी मोरे हा राठी यांच्या कक्षात गेला. त्या ठिकाणी दोघांमध्ये वाद झाला. रागाच्या भरात मोरे याने राठी यांच्यावर धारदार शस्त्राने वार केले. आरडाओरड ऐकत कर्मचाऱ्यांनी धाव घेतली. परंतु, दालनाचा दरवाजा बंद असल्याने त्यांचा नाईलाज झाला. मोरेने दार उघडून पलायन केले. राठी यांना तातडीने खासगी रुग्णालयात दाखल करण्यात आले. या प्रकरणी पंचवटी पोलीस ठाण्यात मोरेविरूध्द गुन्हा दाखल करण्यात आला आहे.

Agnel School, 17 Year Old Student, Drowns in Navi Mumbai, Swimming Pool, 17 Year Old Student Drowns, Agnel School Student Drowns, Student Drowns Swimming Pool, vashi Agnel School, marathi news,
नवी मुंबई : शाळेतील विद्यार्थ्यांचा तरण तलावात बुडून दुर्दैवी मृत्यू
A case has been registered against a minor in connection with the death of a student in a municipal school
महापालिका शाळेतील विद्यार्थ्याच्या मृत्यू प्रकरणी अल्पवयीन मुलावर गुन्हा दाखल
high court ask Questions to bmc and sent notice over Tragic Deaths of children in Wadala
दोन मुलांच्या मृत्यूचे प्रकरण: मुंबईत मानवी जिवाची किंमत काय? उच्च न्यायालयाचा महापालिकेला प्रश्न
Girl organ donation
शेतमजूर कुटुंबाचा धाडसी निर्णय; मुलीच्या अवयवदानातून…

हेही वाचा : धुळे : विवाहासाठी मंडळी जमली अन् संकट उभे

“डॉ. राठी यांच्यावर झालेला हल्ला हा डॉक्टर-रुग्ण यांच्यातील नसून त्यामागे वेगळे कारण आहे. त्याचा तपास सुरू आहे. डॉक्टरांची सुरक्षा महत्वाची असून या अनुषंगाने पोलिसांना काय करता येईल, ती आवश्यक खबरदारी नाशिक पोलीस घेतील. सध्या डॉ. राठी यांच्यावर खासगी रुग्णालयात उपचार सुरू असून प्रकृती स्थिर आहे”, असे पोलीस आयुक्त संदीप कर्णिक यांनी म्हटले आहे.