नवी मुंबईकरांना दिलासा; १५ फेब्रुवारी ते ३१ मार्च कालावधीतील थकीत मालमत्ता करावर ६० टक्के सूट देणारी अभय योजना लागू

हेही वाचा- नवी मुंबई : उरण बाह्यवळण रस्त्याला विरोध; अटक केलेल्या ३० मच्छिमारांची जामिनावर सुटका

मालमत्ताकर हा नवी मुंबई महानगरपालिकेच्या उत्पन्नाचा सर्वात मोठा स्त्रोत असल्याने व यामधून प्राप्त होणा-या महसूलातूनच विविध नागरी सुविधा कामे केली जात आहेत. नियमित कराच्या वसूलीप्रमाणेच महापालिका आयुक्त राजेश नार्वेकर यांनी थकित मालमत्ताकराच्या वसूलीकडेही तितकेच बारकाईने लक्ष दिले आहे. मागील दोन वर्षांपासून करोना प्रभावित काळातील टाळेबंदी तसेच लाटेच्या कमी-अधिक झालेल्या प्रभावामुळे अनेकांच्या उद्योग, व्यवसायावर तसेच नोकरीवरही परिणाम झालेला आहे.

हेही वाचा- नवी मुंबई : उरणच्या चिट फंड घोटाळ्यातील आरोपीला अटक; १० कोटींची रोख रक्कम जप्त

सन २०२२-२३ चे आर्थिक वर्ष ३१मार्च २०२३ रोजी संपुष्टात येत असून तत्पूर्वी मालमत्ता कर थकबाकीदारांना दिलासा मिळावा व महानगरपालिकेचा थकीत मालमत्ता कर वसूल होऊन ही रक्कम नागरिकांच्या सेवासुविधांसाठी उपलब्ध व्हावी यादृष्टीने महापालिका आयुक्त राजेश नार्वेकर यांनी सकारात्मक दृष्टीकोन नजरेसमोर ठेवून नागरिकांना दिलासा देणारी ही अभय योजना लागू केली आहे.

हेही वाचा- नवी मुंबईतील इ-टॉयलेट संकल्पना अयशस्वी, पारंपरिक शौचालय बांधण्याचा निर्णय

तरी मालमत्ता कर थकबाकीदार नागरिकांनी नवी मुंबई शहराच्या विकासासाठी आपले योगदान देत विशेष अभय योजनेच्या सुवर्णसंधीचा लाभ घ्यावा आणि लगेच नवी मुंबई महानगरपालिकेच्या http://www.nmmc.gov.in या वेबसाईटला भेट देऊन सवलतीच्या दंडात्मक रक्कमेसह थकीत मालमत्ता कर भरावा असे आवाहन महापालिका आयुक्त राजेश नार्वेकर यांच्या वतीने करण्यात येत आहे.