News Flash

‘आता प्रयत्न शल्यचिकित्सा सेवांसाठी’ – डॉ. रवींद्र कोल्हे

मेळघाट भागात शस्त्रक्रियागृहातील उपकरणे आणि शल्यचिकित्सेची कौशल्ये या गोष्टी पुढे नेण्यासाठी आता मित्रांच्या मदतीने प्रयत्न सुरू आहेत,’ असे प्रतिपादन डॉ. रवींद्र कोल्हे यांनी केले.

| July 27, 2015 03:20 am

‘कुपोषणाचा प्रश्न समोर आल्यानंतर मेळघाट भागात वैद्यकीय सेवा पोहोचल्या, पण तीस वर्षांनंतरही तिथे शल्यचिकित्सक (सर्जन) आला नाही. आता त्या ठिकाणी शस्त्रक्रियागृह उभे राहिले आहे. या शस्त्रक्रियागृहातील उपकरणे आणि शल्यचिकित्सेची कौशल्ये या गोष्टी पुढे नेण्यासाठी आता मित्रांच्या मदतीने प्रयत्न सुरू आहेत,’ असे प्रतिपादन मेळघाट परिसरातील ज्येष्ठ कार्यकर्ते डॉ. रवींद्र कोल्हे यांनी केले.
डॉ. रवींद्र व डॉ. स्मिता कोल्हे या दाम्पत्याने मेळघाटमध्ये केलेल्या वैद्यकीय व सामाजिक कार्याबद्दल ‘सर फाऊंडेशन’  व ‘डीपर’ या संस्थांतर्फे त्यांना रविवारी ‘महापालक सन्मान’ हा पुरस्कार प्रदान करण्यात आला. पालक दिनाच्या निमित्ताने ज्येष्ठ सामाजिक कार्यकर्ते डॉ. भा. ल. ठाणगे व रामभाऊ इंगोले यांच्या हस्ते पुरस्काराचे वितरण करण्यात आले. एक लाख रुपये रोख व सन्मानपत्र असे या पुरस्काराचे स्वरुप आहे. ज्येष्ठ सामाजिक कार्यकर्ते डॉ. कुमार सप्तर्षी, डॉ. ऊर्मिला सप्तर्षी, डीपर संस्थेच्या नियामक मंडळाचे उपाध्यक्ष डॉ. व्ही. बी. गायकवाड, सर फाउंडेशनचे अध्यक्ष हरीश बुटले, उपाध्यक्ष डॉ. रोहिणी बुटले आदि या वेळी उपस्थित होते.
कोल्हे दाम्पत्याने त्यांच्या मेळघाटमधील कार्याविषयीचे अनुभव सांगितले. डॉ. रवींद्र म्हणाले, ‘तिथे जगण्याची हिंमत आणि माझ्या विचारांना साजेशी पत्नी मला माझ्या मित्रांमुळेच मिळाली. स्मिताने मला सतत साथ दिल्यामुळे आमच्या मुलांची घडण झाली. तिने मला सामाजिक जाणीव दिली आणि माझ्या वैद्यकीय जीवनाला त्यामुळे अनेक आयाम जोडले गेले. काम करताना संकटे आली, पण त्यापेक्षा अधिक हात मदत देण्यासाठी पुढे झाले.’

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2015 3:20 am

Web Title: now i wil try for surgery service in melghat
Next Stories
1 राज्यातील शाळांमध्ये ‘बायोमेट्रिक’ हजेरी होणार
2 द्रुतगती व महामार्गावर रविवारीही कोंडी
3 …तर पुण्याच्या मेट्रोत बसता येईल
Just Now!
X